Shillong:Ban pynthikna ba ka bhah thungkam thungjam kan long kaba biang, u Myntri Rangbah jong ka jylla Meghalaya u Conrad Kongkal Sangma, ha ka sngi balang u la ong ba ka sorkar ka dang ït bad wad ia ki riewshemphang na bynta ka Expert Committee, ha kaba kine ki briew ki dei ban long ki bym ia shah liang, hynrei kiba long pdeng.
Haba iakren bad ki lad pathai khubor, u myntri rangbah u la pynpaw ia ka jingthmu ban thaw ia ka komiti ka ban bat ia ka jingiaryngkat lang bad kynthup lang.
U la batai ruh ba ka long kaba donkam bha ban sngewthuh ia jing donkam ka bhah kam bad ban ioh ia kane, ka sorkar ka la wad ia ki riewshimet kiba la shemphang, ha kane ka kam bad kiba sngewthuh ruh ia kiba bun ki bynta.
U Myntri Rangbah jong ka jylla, u la iathuh ruh ba ki riewshemphang ki ban kynthup ha ka expert committee kin ym dei satia tang napoh ka jylla Meghalaya, hynrei ka sorkar ka sngewdei ba wat na shabar jong ka jylla ruh, kiba lah ban sngewthuh ia ki mat kiba don ha ki kti jong ki.
Ka expert committee kan peit bad bishar bniah ia ka reservation policy, kaba la don lypa bad phah pat ia ka jingtyrwa sha ka sorkar jylla, ban pynbha bad pynjanai.
Khlem ka jingiashah liang, ka thong jong ka komiti ka long ban pynshai ia ki katto katne ki bynta ha ka reservation policy kaba la don lypa, ban pyntikna ba kan bteng ba ka jingiaryngkat lang ha ha imlang sahlang bad ka lad ba mar katjuh ia ki nong shong shnong jong ka jylla.
Ki nia kai suda…lada ia ki briew ka expect committee yn dang hap ban jied hi da ka sorkar, yn ym lah hi ban ong ba kin dei ki briew ki ban ym iai shah Liang, khamtam ia ki briew kiba na bar.