Ki pulit siat briew, ki dang don, ha la ki kam, ong ki nong Mukroh

Shillong:Hadien ka jingjia shah pyniap ia ki rangbah 5 ngut ha ka shnong Mukroh kumba 3 bnai ei ei mynta ka la leit, ki nong shong shnong jong ka shnong Mu kroh, ki la pynpaw ba wat la ka sorkar Meghalaya ka la buh ia ki Pulit ban pahara ia kitei ki jaka, hynrei ka dangdon hi ka jingsngew syier bad sngew tieng.

Ha ka jingiakren bad u Rupang ki nong shong shnong ka Mukroh, ki la pynpaw ba hapoh shnong, ki shong suk hi, hynrei don ki por ba ki karbi ne ki nong Assam, ki ju wan poi ha kane ka jaka ban wan shondur.
Shuh shuh ki la ong ba ka sorkar ka dei ban buh kham bun ki pulit ban pahara ha kane ka shnong, namar mynta ki pulit kiba ap ban pahara, ki don tang kumba 6 ngut bad ka dangdon ka jing bym shongshngaiñ hapoh shnong pohthaw.

Ki kyrpad ruh ia ka sorkar ba kan buh kham bun ia ki out post ha kine ki jaka, khnang ban kham shngaiñ shuh shuh ia ki nongleit nongwan kiba leit trei leit ktah, kiba leit rep leit riang man ka sngi.
Ka jingshah pyniap ki 5 ngut ka don ka jing sngew syier bad ym don uwei ruh napoh ka shnong Mukroh, ki ban sngew shngaiñ haduh mynta, namar ka jingshah siat iap kam dei sha jngai bad sha khlaw, hynrei ka dei hajan jong ka shnong hi, la bynrap ki nong shong shnong.

Ki la buh ka jingkylli ruh ba balei haduh mynta, kito ki pulit ka Assam kiba pyniap ki dang trei bad ki dang iohi ba ki dangdon, namar ka jingmih ha ki kot khubor, ba ong ba lah dep ban sospon bad haduh mynta ia kitei ki pulit ba pyniap, ym shem la pat leh eiei, ki la ong.