Ki pulit, ki dei ban kylla ba mut noh, ong U MR ka Assam

Guwahati: “Ki pulit jong ka Assam ki dei ban pynkylla noh ïa kane ka jinglong jong ki”.
Ia kane la kren da u myntri rangbah, ka jylla Assam u Hi manta Biswa Sarma, halor ka jingshah bat noh jong ki hynñiew ngut ki pulit ha kaba ïadei bad ki kam dawa pisa bymhok na ki paidbah.

U Himanta Biswa Sarma u la ong ba “Ki pulit ki hap ban pynkylla ïa ka jinglong jong ki. Kim lah ban dang bteng ïa kane ka jingmlein jong ki ban pynlong ïa ka jing dawa bymhok na ki paidbah”.

Ki CID jong ka Assam police, ki la ïoh bat noh ïa ki hynñiew ngut ki pulit ha ka ophis treikam jong ki ha Ulubari, Guwahati Assam, ha kaba ïadei bad ka jingtrei arsap jong ki ban dawa pisa na ki briew.

Kane ka jingleh jong ki pulit la lap hadien jong ka pynlong ïa ka jingbuddien ha kaba ïadei bad kane ka jingleh arsap jong ki pulit, la pynlong ïa kane ka jingbuddien naduh ba dang sdang jong u bnai nailar halor kawei ka jingujor jong u wei u nongkhaïi supari bad kaba la pynlong ïa ka jingïoh bat noh ïa kine ki pulit.