Ki prokram iakhih ki nonghikai

Shillong, 1 Nailur:
Ka Seng ki nong hikai MUPSTA State Level ka kyntu jur ia baroh ki nonghikai ba hap ha ka lama jong ka MUPSTA ba kin ìa mih ryntih shitrhem, ha ki tei ki programme ia khih ba dang sah ba la pynbeit da ka JACATAM kata da ka jingiapep trei paidbah, ha ka 3tarik Nailur 2013, nangta sa ka jingiashong kyllain myngngor lymbrum, ha ka 4tarik Nailur 2013 ha man la ki Dìstrict Unit lane Zone Unit bad nangta sa ka jigngialang paidbah h aka 5tarik Nailur 2013. Ki para nonghikai kim dei ban sngew tieng sngew smiej ban ia shim bynta wat lada hateng hateng ki shah pyntieng ha ka Sorkar lane ha ki SMC,namar lada long kumno kat long hi pat ka jing kit khlieh jong ka JACATAM. Kiba rakhe Teachers Day ha 5tarik Nailur 2013, ka MUPSTA kan ym kit khlieh ei ei ruh em ia ki.
Na ka bynta ka 4tarik Nailur 2013 ka seng ka kyntu kyrpang ruh ia ki nonghikai MUPSTA ki don ha Shillong City bad ha ki Unit ha ka State baroh ka wei ba kin ia leit shong kyllain myngngor(Dharna) lang ha ki jaka ba la pynbeit kyrpang da ka JACATAM.