Ki party ki don tang ha ka por elekshon, ha ka sorkar ym don Party

Shillong: U nongialam ka UDP u bah Lahkmen Rym bui uba la shah bynshet ban peit ia ka tnad kam pohïing ka jylla, u la kam ba ka jingbynshet u myntri rangbah ia ka tnad kam pohïing ha u, kam dei ban kdew ia ka party.

U myntri u la ong ia kane haba kylli ba katkum ka jingtip, ka la don ka jingiapynbeit ha ka por ba thaw ia ka sorkar Megha laya Democratic Alliance (MDA) ia ki tnad ban bat ki paralok ka MDA.

“Phi I ki party ki don ha ka por elekshon, mynta ngi la thaw ia ka MDA bad ngi baroh ngi long kijuh, ym don NPP, ym don UDP, ym don PDF, ngi dei ka kynhun synshar hapoh ka MDA”, la ong u bah Lahkmen haba kren mynta ka sngi.
U la ong ba kano kano ka tnad kampher ban bat da uno uno u MLA na kano kano ka party namar ba ka jingkitkhlieh ka long ka sorkar MDA baroh lang.
“Ngam shim ba kane ki ai ia ka UDP, kane ki ai sha u NPP ne sha ka PDF, nga shim ba kine kiei kum ka lad ban ioh jingshemphang lang ia kiwei ki tnad ban ia ioh lang ia ka jingshemphang baroh ki myntri sorkar”, la ong u bah Lahkmen.
Kumba ka paw, ka tnad Tourism, taxation kaba bat da ka UDP mynshwa, la bat da u myntri rangbah u Conrad K Sangma hadien ba la hiar shuki noh u bah Metbah Lyngdoh uba shimti ia ka kam Lamnphang ka iing dorbar na ka jingkhlad kyndit u Dr Donkupar Roy.
Lah ban kdew ba hynnin ka sngi, u Myntri rangbah ka jylla u Conrad K Sangma ula bate kam thymmai ia ki katto katne ki myntri ka sorkar Meghalaya Democratic Alliance (MDA).
Ha ka jingbate kam thymmai, ka tnad kam pohiing (Home) kaba ju bat da u James K Sangma (NPP) la aiti ha u bah Lahkmen Rymbui (UDP) nalor kiwei ki tnad ba u la bat. Nangta ia ka tnad District Council Affairs (DCA), kaba bat u James K Sangma (NPP), la ai ha u bah Hamletson Dohling (PDF), katba ia ka tnad Home (Jail) la ai ha u bah AL Hek (BJP). U James K Sangma un ioh ia ka tnad IPR ba ju bat da u bah AL Hek.
U James Sangma ula shah ther ha kiwei ki paralok ka sorkar MDA hadien ba la shah kynnoh ba la mih ka jingkynnoh ai laitlan ia ka jingshalan dewiong. Ka UDP, PDF bad BJP kila pynpaw ia ka jingbym sngew tynnad ia ka jingtreikam u James Sangma bad kila dawa ba u myntri rangbah u dei ban tuklar noh da kaba weng ia ka tnad kam pohiing na u.