Shillong 31 K’Lyngkot: Ha ka jingpynkhreh jong ki kyrtong na ki konstitwensi bapher bapher na ki seng sain pyrthei bad ki kyrtong shimet ban ia aireng ha kane ka ilekshon MDC sha District Council ka ban sa long ha ka 21 tarik u Rymphang 2025, u bah Samlin Malngiang u Kyrtong ka National People’s Party (NPP) na Sohïong Konstitwensi u la wan ban thep kyrteng ialade hakhmat u Returning Officer mynta ka sngi thoudieng ka 31 tarik ha ka ophis jong ka DC East Khasi Hills District.
Ha ba iakren bad ki nongthoh khubor u bah Samlin Malngiang ula kng, ba ki ain ha District Council ki la biang, hynrei dei pat ban pyntreikam hok ia ka
U la ong, ba ki mad treikam kidei beit halor ka synshar ka khadar hapoh shnong ne ha ki Hima ka ba beit ka ba khuid bad ruh halor ka jingiadei bad u pud u sam bad mynta ngi donkam ban nangpynbha shuh shuh ia ka konstitwensi.
Ha ba kren u la bynrap ruh da ka ba ong, ba khlem da shim kabu na ka jingiakhun bad ruh ban burom ia ki mad treikam jong kiwei de ki kyrtong bad ba ki paidbah ruh kin jied hok ia ki kyrtong ban phah sha District Council.
Shuh shuh u la ong, ba ki paidbah nong Sohïong Konstitwensi mynta ka kynti ki la stad bad sngewthuh namar ha kine kipor ba la leit ki la shah ialam bakla ha ka ba iadei bad ka party, bad ki paidbah ki ong, ba ki donkam ia u briew ym ia ka party, da ka ba u la tikna ruh ban jop ha kane ka ilekshon.
Phi don ban ong eiei?