Ki nongtrei sorkar kim lah shuh,ban long Rangbah Shnong

Shillong, 7 K’lyngkot:
Ki nongtrei sorkar ne kiba don bynta bad kano kano ka seng kim lah shuh ban long Rangbah Shnong nangne shakhmat bad ia kane la shim da ka sorkar da ka rai ha ka jingialang mynta ka sngi.
Ka sorkar ka la pynkylla ia ka Meghalaya Services (Conduct) Rules,
1990 bad la pdiang da ka kynhun myntri mynta ka sngi ha kaba ka la mana ia ki nongtrei sorkar bym bit shuh ban long rangbah shnong ne ban don bynta bad kano kano ka seng.
Kumba ka long mynta ki don bun bah ki nongtrei sorkar kiba long Rangbah Shnong.
Haba kren hadien ba la wai ka jingialang ka kynhun myntri, u Myntri
Rangbah ka jylla u Mukul Sangma u la ong ba ki kyndon la bsuh ha ka Rules jong ka sorkar ban mana ia baroh ki nongtrei sorkar bym bit ban bat kam Rangbah Shnong, ne sengbhalang.
Ha kajuh ka por, ka kynhun myntri ka la pdiang ruh ia ki katto katne ki jingpynkylla ha ka tnad Pulit da kaba pynduna ia ka jingjngai jong ka thong mareh kam na ka 10 km sha ka 5 km na ka bynta ka physical test. Ka la rai ruh ban pyndap ia ki kam ba lait ha ka Meghalaya special force-10 (SF-10) kaban thaw ar tylli ki kynhun kum ka commando unit bad ka Riot & law & order unit.