Shillong: U symbud Myntri rangbah ka jylla u bah Prestone Tynsong, haba iakren bad ki lad pathai khubor myn hynnin ka sngi, u la iathuh ba ki nongbylla ki ba wan bylla na kiwei ki District sha East Khasi Hills District bad ha RiBhoi District, yn ym pat shah ia ki ba kin leit phai sha la ki jong ki district namar ba ka lah ban wanrah ia ka jingma lada ki leit phai sha la ki shnong.
U la iathuh ruh ba haduh mynta ki don haduh 382 ngut ki nongbylla ki ba na ka jylla bad ki barjylla ki ba sahkut ha ki jaka ba ki leit bylla. Na ka liang ka sorkar ka la rai ba ia kine ki 382 ngut ki nongbylla la aiti ha ki Deputy Commissioner jong ki District ba kin pynpoi ia ki sha la ki district ba ki sah lait noh tang ki ba don ha East Khasi Hills District bad RiBhoi District u la ong. U la iathuh ruh ia ki 382 ngut ki nongbylla, ki DC bad ka tnad DMHO, shuwa ba kin leit buh ia ki, ki dei ban peit bniah bha ba kin long ki ba shait ba khlain bad ki dei ban ai ruh ia ki syrnot na ka tnad ka koit ka khia ba ki long ki ba lait na ka jingpang Covid -19 khnang ba kan ym wanrah kano kano ka jingsyier mynsiem jong ki shnong kiba ki sah.
Phi don ban ong eiei?