Shillong: Ka Deputy Commissioner, East Khasi hills, ha ka jing pyntip paidbah mynta ka sngi, ka la ong ba baroh ki dukan, ki dei ban da pyni thikna bha ia ka jing don kiba la dep injek, kiba shong dukan, da kaba ki tah shynna bha ha khmat dukan jongki.
La ong ba katei kan trei kam ia baroh ki jaka die jingdie, kiba ia dei kam bad bun ki paidbah, kiba rung ba mih ha kitei ki dukan bad ki jaka ia die ia thied.
La bthah ruh ia ki nongniah jong ki kali kamai, ki kali taksi, ki auto rickshaw, ki bus bad kiwei, ba ki dei ban da tah ia ki syrnot ba la dep injek, ha ki iit, kiba ha khmat jong ki kali jongki.
La ong ruh ba ka jing leh injek ialade, ka long kaba donkam bha, ia kitei kiba iaid ba ieng, na bynta ka jingshngain jongki hi.
La ong ruh ba ka jingtest, kan dang iai bteng ha ki jaka paidbah, na ka bynta ban rai, la ki don ne em, kino kino ki jaka, kiba dei ban khang shipor. La ong ruh ba kito ki bym treh ban shah injek, ki dei ban phah test ialade, shisien man ka shiphew sngi, ong shuh ka kyrwoh.
Phi don ban ong eiei?