Shillong:U myntri ka tnad ka koit ka khiah, u Bah Alexander L Hek u la pynshai ba ka jingkyntu jong ka sorkar ia ki nongshong dukan ba ki dei ban ioh injek covid, ka dei ban iada ia ki na ka jingpang Covid -19.
Haba ia kren bad ki lad pathai khubor, u bah Hek u la ong ba ka jingphah ban ai injek, ia ki nongshong dukan ka long ban iada ialade bad kumjuh ia kiwei ruh na ka jing iabit u khniang jingpang.
“Ki nongshong dukan ki donkam bha ban ioh vaccine, namar ba ki dei ki briew kiba ia kynduh briew bun tam ha ki dukan jong ki bad lada ki shim ia kane ka vaccine kan iada ia ki na ka jingpynsaphriang bad ka jingiabit ka ne ka jingpang”u la ong.
U Myntri ka tnad u la pynshai ba ka jingpynmih ia ka jingbthah na ka liang jong ka ophis u Deputy Commissioner ka West Khasi Hill District halor ban ai buskit 10,000 tyngka ia kiba la dep ai injek, baroh 2 sien, ka dei ka jingbthah na kane ka ophis ym na ka sorkar.
U bah Hek u la ong “Kane ka jingbthah ka dei ka ba la pynmih na ka ophis u DC,ym na ka sorkar bad kane ka long kum ka sienjam ban pynshlur ia ki nongshong shnong kane ka thain ba kin mih sha khmat ban ai vaccine ia lade”.
Ko bah Hek, iathuh lem ma phi where is this virus originated and have u translucent this virus…it’s nearly 2 yrs no one nor the WHO ha come up with this ans. We have seen a lot of pandemics and kn the origin of the virus originated, but not the covid 19.