Ki nongkhaii na Borsora bad Cherragoan kin hap ioh mynjur na ka Hima Langrin

Shillong: U Secretary ka Hima Langrin u bah AS Lyngdoh u la pyntip ba kito ki nongkhaii, na Borsora Land Custom Station, kata na Borsora bad Cherragoan ki bym don ia ka jingmynjur, na u Acting Syiem bad ka Executive Dorbar Hima Langrin, ka Hima kam shah shuh ba kin dang shalan ne export na kitei ki ar tyllli ki jaka shalan mar.
Ha ka jingpynbna u Secretary u la ong ba la kyntu ia ka Khasi Hills Autonomous District Council (KHADC) Shillong ba kam dei ban pynthymmai ia ki Trading License khlem da ioh shwa ia ka No Objection Certificate (NOC) na ka ophis u Syiem Langrin.
U la ong ba katkum ka rai ka executive dorbar kaba 17 tarik Lber, 2019, ka Hima ka la pyntip bad bthah ia baroh ki nongshim wai par dewiong, mawshun, jingkieng thew, surok shimet bad kiwei, kiba hap ha Lawlynngam Tilla Lawsyiem, ki dei ban pynpoi ia ki kot ki sla sha ka ophis u Syiem ha Phlangdiloin khnang ba ka jingtreikam jong u Acting Syiem bad ka Executive dorbar Hima Langrin kan iaid beit iaid ryntih.
“U Acting syiem bad ka executive dorbar kan nym don jingkitkhlieh ia kino kino kiba ialeh pyrshah ia kane ka jingpynbna”, la ong ka kyrwoh na u Secretary ka Hima.