Shillong: Ka ophis jong u District Sports Officer, East Khasi Hills District, Shillong ha ryngkat ka jing ia treilang bad ka ophis jong ka Deputy Commissioner, East Khasi Hills District kum shi bynta ban rakhe pyndon burom iaka sngi lait luid kaba 73 jong ka Ri, ka la pynlong da ka Independence Day Run 2019 ha ka 15th August, 2019 ba la sdang na Madan Iewrynghep (Fire Brigade Ground) naduh kapor 6.30 baje mynstep bad la pynkut ha V.I.P Gate Polo Ground, Shillong.
Ha kane ka jingiamareh la wan ia shim bynta kumba 700 ngut ki nongiamareh kynthei bad shynrang kiba kynthup naduh ki paidbah nongshong shnong bad ki shipai iada Ri. Ka Deputy Commissioner ka East Khasi Hills District Kong Matsiewdor War, ka la kaweh ia ka lama kum ka dak ka jingsdang ia kane ka jingiamareh.
Ki nongjop ha kane ka jingiamareh ki long kumne harum:-
Na bynta ki paidbah nongshong shnong – Shynrang
1st – Kresstarjune Pathaw, 2nd – Emphius Nongrum, 3rd – Ribet Dkhar
Na bynta ki paidbah nongshong shnong – Kynthei
1st – Pynhun Shulet, 2nd – Darishisha Iangjuh, 3rd – Lyntijingkyrmen Kharjahrin
Na bynta ki shipai iada Ri – Shynrang
1st – N.P Singh, 2nd – Mudang Omo, 3rd – Bharat Bhushan
Na bynta ki shipai iada Ri – Kynthei
1st – Sonai Ingtih, 2nd – Wansumariaka Rabon, 3rd – Meris Klein
Na kiba kham khynah duh ka rta – Shynrang – Enlakador Giri Wanswett
Na kiba kham khynah duh ka rta – Kynthei – Elithia C.Kharsati
Na kiba kham rangbah duh ka rta – Shynrang – Disil Nongrum
Na kiba kham rangbah duh ka rta – Kynthei – Eldalyne Kharsati.
La sam ia ki khusnam ha madan Basketball Court, Polo Shillong ha kaba U Cheranjit Chaudhaury, General Secretary ka Meghalaya State Olympic Association u la long kum u kongsan ha ryngkat ka jingiadonlang u DSO ka East Khasi Hills District u bah Daniel Dann, bah G.E Lyngdoh u DSO ba la shongthait bad kiwei de ki nong shah khot sngewbha. Kiba jop ha kane ka jingiamareh la ai hynniew hajar (Rs 7000/-) ia kiba wan nyngkong, san hajar (Rs 5000/-) ia kiba wan ba ar bad lai hajar (Rs 3000/-) ia kiba wan balai bad mar ar hajar (Rs 2000/-) na bynta ki nongmareh kiba khynnah duh bad kiba rangbah duh ha ryngkat ki trophies bad certificates.
Phi don ban ong eiei?