Shillong:U Bah Metbah Lyngdoh, lamphang dorbar jylla, ula thoh sha U Conrad K Sangma, myntri rangbah ka jylla, ha kaba ula pynsngew halor ka jingiakynduh jongu ia ki nongialam ka Khasi Jaintia Christian Leaders Forum (KJCLF) bad ha katei ka jing iakynduh, ula pynsngew, ba ka don ka jingsngew diaw jong kiba bun, ba kynthup ia ki nongialam sain pyrthei, ki nongialam niam bad ki sengbhalang, halor ka jingthmu ban plie ia ka ialeh khalai casino ha ka jylla.
“Nga sngew, ba ia kane ka jingsngew jong ki nongialam niam, dei ban shim khia da ka sorkar, namar ka jingbha jong u paidlang ka jylla. Halor kine ki mat, ka sorkar, ka dei ban peit biang halor kane ka mat” ong u lamphang dorbar jylla.
Khrad2 mo ka jing leh donbor la palad, u dei tang u briew ha kawei ka sngi un sa ioh jing sneng na u Blei, u kohrad ula long khristan ne em tip?.