Ki nongialam jong ki seng riewlum kiba kyrshan ia ka NPP ki dei ban sngewthuh:Ampareen

Shillong: Ka MLA jong ka Shillong East ka kong Ampareen Lyngdoh ha ba ia kren bad ki lad pathai khubor, halor ka jing kyrshan jong ka MP na Meghalaya ka Agatha K Sangma ia ka Citizen Amendment Bill ha Lok Sabha ka la ong ba ki nongialam jong ki sengriewlum kiba kyrshan ia ka NPP ki dei ban iohi bad sngewthuh.

Ka kong Ampareen ka la ong ruh ba ha ki khyndiat taiew ki la iohi ia ki jing ong jong ka MP jong ka seng NPP ba kan pyrshah ia ka CAB, hynrei ka la kyrshan pynban ia ka CAB ha Lok Sabha.

Na ka liang jong ka kong Ampareen ka la ong ba ka seng Congress kan pyrshah beit ia ka CAB bad ka la kyntu ruh ia ki khun ka Jylla ba kin ym leh ia kano kano ka ban wan rah ia ka jingsngewsih, hynrei ki dei ban iatylli lang ban ialeh pyrshah ia ka CAB.