Ki nonghikai, ki dei ban pynkhreh, ban plie ia ki skul, naduh 1tarik Nailur: Himanta

Ki nonghikai bad baroh ki nongtrei, kiba don ha ki skul bad ki kolej, ki dei ban test noh ialade, la ki don ne em ia ka khlam coronavirus ha met jongki bad lada jia ba kim don, ki dei ban pynkhreh, ba kin sdang noh shakhmat, ia la ki jong ki kam jongki, ynda haba yn plie ia ki skul bad ki kolej, ha ka 1tarik Nailur 2020, ong U Himanta Biswa Sarma, myntri ka tnat pule puthi ka sorkar Assam.

Ka jingtest ia ki nonghikai bad kiba trei ha ki skul bad ki kolej, kan sdang naduh ka 21tarik mynta u bnai, ong U Sarma.