Shillong:Ban iada ia ka hok jong ki nongdie jingdie ha sor bad ban pynbeit ia ki kam die jingdie ha surok, ka sorkar India ka la pynlong ain ia ka ain jong ki nongdie jingdie ha surok (ka jingiada ia ka jingim bad ka jingpyniaid ia ki jingdie ha surok), 2014. Kane ka ain ka bthah ia man la ka jylla ban thaw ia ki Town Vending Committee, ban ithuh bad ban pynrung kyrteng. Ki nongdie jingdie ha surok, bad ban pyniapher ia ki jaka die jingdie bad ki jaka bym dei ban die jingdie. Katkum katei ka ain, la thaw ia ka Town Vending Committee (TVC) ha u snem 2022. Ia kane ka TVC la pyniaid da u CEO ka Shillong Municipal Board (SMB) bad kynthup ia ki nongmihkhmat na ka ophis u Deputy Commissioner, ka tnad pulit, ka tnad sor, ki board jong ki sor, ki nongsynshar shnong, ka Mishon jingpynkhreh ia ka jingim ha sor jong ka Jylla, bad ki seng jong ki nongdie jingdie. Ka TVC ka la pynlong ia ki 10 tylli ki jingialang ban ia kren ia ki jingeh kiba iadei bad ka jingdie jingdie ha surok.
Ban pynbeit ia ka rukom jurip bad ithuh ia ki nongdie madan kiba dei hok, ka jylla ka la thaw ia ka skhim Meghalaya Street Vendors (Ka jingiada ia ka jingim bad ka jingpyniaid ia ki nongdie madan) ha u snem 2023. Ka skhim ka ai ia ki nongrim na ka bynta ban ithuh ia ki jaka die jingdie bad ka rukom la pyntip ia ki. Ka pynbiang ruh ia ka rukom ai ia ki Certificate of Vending (CoV) sha ki nongdie madan kiba dei hok. Shuh shuh, ka skhim ka ai ia ki nongrim ba ialam na ka bynta ban jied ia ki nongdie bad ki jaka die kiba dei hok bad ka batai ia ka rukom treikam na ka bynta ban pynkynriah ia ki ha ki jaka die ba la pynbna. La pynlong ia ka jingjurip ha ki 22 tylli ki jaka hapdeng u bnai Nohprah 2023 bad u bnai Kyllalyngkot 2024 katkum ki kyndon ba la ai ha ka skhim. Kine ki jaka ki kynthup ïa ka Khyndai Lad, Assembly, Barik, Dhankheti, Firebridge, surok G.S., Governor, IewMawlong, Laban, Jail Road, Lachumiere, Laitumkhrah Firebrigade, Lumshatsngi, Malki, Motphran, Polo, Qualapatty,Quintton Road,Red Cross, Umsohsun, Wahthapbru bad ka Nan Polok.
Ha ka PIL/MLHC010011392021 kaba dang shen, ka ïingbishar ba donburom jong ka jylla Meghalaya ka la bthah ïa ka tnad pynroi sor ban thaw ïa ka komiti kaba kynthup ïa ki bor synshar bad ban ithuh ïa ki jaka die jingdie na ka bynta ki nongdie jingdie ha surok. Hadien kata, la pynlong ïa ka jingïalang ba la pynïaid da u Myntri Rangbah ba donburom ba dei peit ïa ki kam pynroi sor, ha ryngkat u myntri ka kam jngohkai pyrthei, u myntri ka tnad rep bad ki nongrep, u myntri ka tnad ri mrad bad ka tnat sumar mrad bad kumjuh ki nongmihkhmat na ka tnad ka Koit ka Khiah, tnad pulit, tnad kam sor, tnad kam paidbah, bad kiwei kiwei kiba kongsan, ki tnad bad ki nongshim bynta, ka rai ba la shim lang da ka sorkar Meghalaya. La rai ba ha ka bynta ba nyngkong, yn pynkynriah noh ïa ki nongdie marbam sha ki jaka die marbam ba la buh kyrpang ha ki jaka Khyndai Lad bad Civil Hospital. Ka tnad ka khmih lynti ban pyntip sha ki jaka die marbam bad ban pyntip ia kane ka jingtip sha ki nongdie marbam kiba dei hok ha ka por kaba kloi tam.
Hadien kane, yn ai por 30 sngi ia ki nongdie jingdie ban pynkynriah jaka hadien ba la dep ai ia ki sertiphiket, katkum ka skhim. Ka Town Vending Committee (TVC) ka don ha ka jingiakren kaba man ka por bad ka seng jong ki nongdie marbam bad ka dang shim ia kawei pa kawei ka sienjam ban pynthikna ba kane ka jingpynkynriah jaka kan long kaba iaid beit iaid ryntih. Ia ka plan die jingdie ha surok ba la mynjur, yn buh ha ka website ba ki paidbah kin tip bniah.
ka hok ngi donkam kat kum ki fundamental rights tangba ban Kah iaka iaid ka ieng ha jaka u paidbah te um don hok..
baroh nongdie madan wat Kah iaka jaka iaid paidbah namar kata ka dei pyrshah iaka imlang sahlang.Dei ban ia burom iwei2 um ban leh katba mon ha ri lajong…Iada ialade bad ka burom ka jaidbynriew