Shillong 30 K’Lyngkot:bah Gilbert Laloo u kyrtong ka United Democratic Party (UDP) na Mylliem constituency, u la pynpaw ia ka jingskhem kaba jur ba ki paidbah ka Mylliem Constituency kin ai ka jingkyrshan kaba pura ha kane ka election MDC na ka bynta ka Khasi Hill Autonomous District Council (KHADC) kaban sa long shen .
Mynta ka sngi na ka liang u bah Gilbert Laloo u la pyndep ka jingthep kyrteng na ka bynta ban aireng ha ka MDC election na ka bynta ka Khasi Hill Autonomous District Council (KHADC). Haba kren sha ki ladpathai khubor , u bah Gilbert Laloo u la ong ba kumba ka long Mynta hadien ba i MLA/ MDC ka Mylliem Constituency I bah Ronnie V Lyngdoh I la rai ban ym ia khun shuh ia ka MDC election , u Don ka jingkyrmen ba khraw na kane ka Constituency namar u dei u riewrangbah u ba la ioh ha ka sainpyrthei.
” ka thong hi ban mih ha kane ka election ka long ban pynbha ia ki ain kiba ka District Council ka don , bad Kum ka kamram u MDC hi lada jop mano mano ruh ki dei ban pynneh pynsah ia kaei kaba la don lupa khnang ba ka 6 schedule kan skhem shuh shuh” u la ong .U la bynrap" Ha ka Constituency Jong nga hi ka phiah ar bynta ki bynta ba shah rum ki kynthup ia ki ba la nang la stad bad ka bynta ba shaneng ki dang bun kiba rep ba riang hynrei kat Kum ka bor u MDC hi kam mut ia ka roi ka par hynrei ka District Council ka mut ia ka ingshetja Jong ngi , ban iada ia ka khyndew ka shyiap khlaw ka btap , ka riti dustur ki ba bun bha" .
U bah Laloo u la ong ruh ba lada ong MDC kam mut ban ym lah ban wanrah ia ka roi ka par hynrei kata ka shong ha ka jingstad ki paidbah namar haba ki paidbah ki jied ia u MDC u ba don ka jingiadei kaba Jan bad ki bor ba halor kin bun ki jingmyntoi sha u paidbah hi."Ha ka jingpeit Jong nga haba nga kren halor ki MDC ki ba la leit hi ngam iohi ban don kita ki MDC ki ban iatai ia thir , lait noh tang hapoh ka jingialam u bah Titostarwell Chyne Kum u CEM, bad kin dang bun ki ba ngin hap leh nangne shakhmat bad lada ki paidbah kin jied ia ki MDC ki ba stad yn dang lah ban pynkhlain shuh shuh ia ka District Council" u la ong.
“Haba phai sha ka Mylliem Constituency, namar ka jingbym don shuh ki MDC barim ban ia khun , bad Kum u riewrangbah nga sngew ba nga dei ba hakhmat duh ba ngan poi sha ka thong, ka jingjop , Ki kyrtong ba mynta baroh ki dei ki ba dang thymmai bad haba ki dang thymmai ki paidbah baroh ki dang don hapdeng ka jingartatien.Kumta nga iohi ba u paidbah u la sdang ban phai khmat sha nga Mynta ka kynti”u la bynrap.
Haba kren halor ka VPP ha Mylliem Constituency u bah Gilbert Laloo u la ong “ha ka election MLA ym don ba poi pyrkhat ba ka lyer ka VPP kan ioh ban khlain katto , bad namar ba ki paidbah ki long pyrshah ia ki seng ba don mynta, bad hakaba iadei bad nga hi , ki paidbah ki kwah kyrshan ia nga hynrei namar ba nga ialeh na ka party Dkhar kumta kin treh shuh ban pynjop ia nga , hynrei nga kmen Mynta ba nga la Don ha ka party ka ba rim tam ka UDP kumta nga sngew skhem bha” .U la bynrap"Kawei ka long ba i kyrtong ka VPP na Mylliem Constituency, ngam lah ban ong eiei namar ba i kyrtong ka VPP na Mylliem Constituency im dei na Mylliem hynrei i dei na Lawsohtun bad wat ka vote ruh im ioh ban thep ha Mylliem, te nga iohi ba u paidbah un ailad beit ia ki trai shnong namar na Mylliem ruh bun ki briew kiba la shakri bha ia ka ri bad ka jaitbynriew".
Phi don ban ong eiei?