Ki myntri sorkar ban pynher lama

Shillong, 10 Nailar:
Ka sorkar jylla ka la bhah kam ia ki myntri sorkar bad ki Parliamentary Secretaries ka sorkar jylla na ka bynta ban pynher ia ka lama India ha ka 15 tarik u nailar, ka sngi rakhe Laitluid ka Ri. U Symbud myntri rang bah ka jylla u bah Rowell Lyngdoh un pynher lama ha Amlarem, u Prof. R.C Laloo ha Mawkyrwat , u bah HDR Lyngdoh ha Resubelpara, u bah Pres tone Tynsong ha William nagar, ka Smt Deborah C Marak ha Jowai, u bah A.L Hek ha Ampati, u shri Zenith Sangma ha Tura, ka kong Roshan Warjri ha Nongpoh, ka kong Ampareen Lyngdoh ha Baghmara bad u bah Sniawbhalang Dhar ha Nongstoin.
Ki Parliamentary Secretary pat u bah Keneddy Cornelius Khyriem ha Mairang, u CEM KHADC bah Pynshngain N Syiem ha Sohra, u bah Robinus syngkon ha Patharkhmah, bah Coming One Ymbon ha Shangpung Elaka, bah David nongrum ha Mawshynrut.
Ka sorkar ka la hukum ia ki Deputy Commissioners bad ki Sub-Divisional Officers ba ki dei ban khot sngewbha lut ia baroh ki dkhot ka imlang sahlang naduh ki Khlieh nongsynshar, ki seng sain pyrthei bad kiwei pat na ka bynta ban pynphuh pynphieng ia ka jingrakhe sngi laitluid. La bthah ruh ia baroh 39 tylli ki C&RD Block ba ki dei ban rakhe ia ka sngi laitluid da kaba pynlong ia ki prokram bapher bapher ha ryngkat ka jingiasyllok bad ki MLA jong ki.