Ki myntri NDA ki wan ia ka sain pyrthei, ong U Mukul

Shillong, 17 Naiwieng:
U Myntri Rangbah ka jylla u Dr Mukul Sangma u la ong ba ka jingwan jong ki myntri ka sorkar pdeng NDA sha kane ka jylla ka don ka buit ha lyndet ka sain pyrthei.

“Baroh ki seng sain pyrthei ki don la kajong ka buit politik jong ki. Ngin peit bad bishar bha ia ka jingwan jong ki myntri sorkar NDA sha kane ka jylla”, la ong u Dr Mukul haba kren hynne ka sngi hadien ba la wai ka jingialang kabinet. U Dr Mukul u la ong ba la iathuh ba ki wan ban iakynduh ia u CEM, ia ki briew, hynrei ym na ka bynta ka jingmyntoi jong ki paidbah. “Hato ki wan shane da kaba pynlut ia ka pisa na la pla ne ki pynlut na ka pisa paidbah na ka bynta ki kam politik”, la ong u Dr Mukul.

U la ong ba ka jingwan jongki, kam wanrah jingmyntoi ia ka jylla hynrei ki wan da kawei ka buit ia ka party. “Lada ki wan, ki dei ban leh ruh ia kaba hok” la ong u Dr Mukul. Katkum ka jingtip, ki myntri sorkar pdeng bun nangne kin sa wan sha ki jylla ka dong mihngi uwei man ka ar taiew ban wan peit ia ka jingiaid ki kam pynroi ha ka thain.