“Ki mut ka ophis jongnga, dei ka dorbar District Council?”

Shillong, 21 Jylliew:
Hynnin ka miet, ki pulit jong ka Sardar Police Station, ki la khynra ia ka ophis treikam jong u wei u rangbah, u ba trei kam la jong, uba na ka shnong Siejlieh, Nongstoin West Khasi Hills District, kaba don ha Mawlai Nongkwar East Khasi Hills District.
Halor katei ka bynta na ka liang jong, U bah HR Thabah u ba dei ruh u trai jong katei ka ophis u la pynpaw sha ki nongthoh khubor, ba katkum ka jingwad jingtip kaba bniah jong u tei u rangbah, katei ka jingwan khynra jong ki pulit ka dei halor ka jingujor jong u MLA Nongstoin u Bah Dios Jyndiang bad u MLA ka Rambrai Jyrngam Constituency u bah KP Pangniang hadien ba u MDC na Mawthadraishan Konstitwensi u khlem wan poi ha kata ka Dorbar District council.
“Ka long kaei kaei kaba pynlyngoh haduh katta katta ia nga bad ka bym pat ju jia koit ban ong ba tang namar ba u MDC na Mawthadraishan Constituency u khlem wan poi ha kata ka Dorbar District council, na ka liang u MLA na Nongstoin uba la lam khmat ban leit ujor pynban da ka ejahar (FIR) ha Sardar police station kaba la pynlong wat ban phah wan khynra pynban ia ka ophis kaba dei ka jaka trei jong nga kaba don ha Mawlai Nongkwar, bad ki la nud ruh wat ban phah kem ia ki nongtrei jong nga shimiet shimiet haba wat ma nga u Trai ruh nga khlem ioh tip ei ei shaphang kata ka jingjia, sa katno tam kine ki nongtrei jong nga kin tip ong u tei u rangbah” ong u Bah Thabah.
Shuh shuh u bah Thabah u la kynthoh, da kaba ong “Hato kine ki MLA ba ujor ejahar ki mut ba ka ophis treikam jongnga, ka dei ka iing Dorbar jong ka District Council?” bad u ong biang “Balei kim leit wad ha ka jaka sah jongu ne ha iing kur, ki pynthut pynban ia ki nongtrei jongnga” da kaba u la bynrap ruh da kaba ong “Lada ki don ka jing bym ia beit hapoh ka seng lajong,balei ki wan tuklar pynban ia ka kam jong nga” bad u ong shuh shuh balei kim leit wad ha ophis jong ka seng lajong bad u ong shuh “Katei ka jingleh, ka pyni pynban ba ki shim ba ka jaka trei jong nga ka dei ka Guest house ki MDC, ne ka jaka ban pynrieh iano iano” ha kaba u ong ba um don jingtip ruh ia u MDC na Mawthadraishan Konstitwensi, namar ialade ruh u dei na Nongstoin constituency
Kumta halor katei ka bynta na kaliang jong u tei u rangbah u la pynpaw ka jing pynrem kaba jur ia baroh ar ngut kitei ki MLA HSPDP kiba tei pop pynban ia kiwei bad ki bym burom shuh ia ka jingsngew jong kiwei.
Ki lad khubor, ki iathuh ba ar ngut na ki nongtrei jong U bah Thabah, ki la shah kem na Mawlai, ha kaba kat haduh ka por ba thoh ia kane ka khubor, ym pat shym la ioh kyrteng satia.