Ki Muslim, kin dei kiba bun tam ha India, ha u snem 2050

Washington, 3 Iaiong:
Ki Hindu, kin dei ka jaitbynriew, ka ban wan ba lai, ha ka jingbun briew, ha u snem 2050, katba ka India, kan wan nyngkong duh, ha kaba kan knieh noh ia ka jingbun briew ha Indonesia, ha kaba kan dei ka ri kaba wan tam ki Muslim, ha u snem 2050, ong ka jinglum jingtip.
Ka jingtih bniah jong ka Pew Research Center, ka pyni ba ka jingdon ki jaitbynriew Hindu da 34 percent ha ka pyrthei baroh kawei, na kaei kaba don mynta 1 billion bad kan poi sha ka 1.4 billion ha kylleng ka pyrthei ha u snem 2050.
Ki jaitbynriew Muslim, kin dei ka jaitbynriew, kaba stet tam eh bad ba ki Hindu bad ki Kristan, kin kham duna, ha ka jingdon briew, ong katei ka jingtih bniah. “Ka India, kan dang iai neh hi ban long ka Ri, kaba don bun ki Hindu, hynrei, ka dei ka Ri, kaba don bun tam ki Muslim, na baroh ki Ri ka pyrthei, ha kaba kan tam ruh ia ka Indonesia”.
Katei ka kaiphod, ka ong ba ha u snem 2050, ka jingdon ki Muslim, kan poi sha ka 2.8 billion lane 30 percent bad ka jingdon ki kristan, kan long 2.9 billion lane 31 percent na ka jingdon briew. Ka jingdon ki Muslim, ka long 1.6 billion ha u snem 2010, haba ia nujor, na ka jingdon ki Kristan, kaba 2.17 billion ha utei hi u snem. La ai jingkhein shuh shuh, ba ha katei ka jingbun briew, ka niam Muslim, kan dei kawei na ki niam kaba khraw shibun eh, ha u snem 2070.