Guwahati: Ka la saphriang bha ka video, kaba la kren da U Badruddin Ajmal, uba dei u nongialam ka All India United Democratic Front (AIUDF). U Ajmal, ha ka jingkren jongu bad kawei ka website hindi, ula ong ba kiba pli ki Muslim, kiba duk, kiba shong ha ki nongkyndong, ki ju ia ioh khun shibun, namar ba kim don, da kiwei pat ki kam ban pyn sngewbha ialade.
“Ka jingkiew than ka jingbun briew, hapdeng ki Mulsim, ka dei namar ba kiba bun ki Muslim kiba duk, kim don jaka leit satia shaei shaei ruh bad kim don da kiwei pat ki lad ban pynsngew bha ialade. Bun na ki, kim don ia ki iing kiba don bad ki pangkha ruh. Ha kum kitei ki jingjia, kumta kin ialeh aiu, ki don, tang ka kam ban ia thaw khun” ula ong.
“Ka jingbun khun ki Muslim, kan dang iai bteng ha kane ka rukom, katba ki dang ia im duk. Kim don telebishon” ula ong shuh shuh. U ong biang “Ka jingdon khun ki Muslim, kiba im ha sor, ka duna bha bad kumta, ka dei ban ai kam bad ai jingstad kaba biang ia ki Muslim, ha ki nong kyndong ruh”.
Phi don ban ong eiei?