Ki meter siew nokot ha 74 jaka

Shillong, 08 Lber:
U Myntri tnad sam ding ka jylla u Bah Sniawbhalang Dhar u la ong ba ka sorkar ka la pynkhreh ban buh ia ki meter siew nokot, ha ki 74 tylli ki jaka ha ka jylla ha ka jinglut ka ban kot sha ka T. 32.73 lak.
Ha ka jingjubab ia ka jingkylli ba la wanrah da u nongialam liangpyrshah u Dr Donkupar Roy ha iing dorbar thawain mynta ka sngi, u Bah Sniawbhalang u la ong ia mynta ka sorkar ka dang buh tang ha ki san tylli ki jaka ia ki pre-paid meter namar ba ki dei kiba lutksan bha, wat la ki don shibun ki jingmyntoi.
Katkum ka jingong u myntri, ki pre-paid meter ki kham lait na ka huri hura ha ka rukom khein bai thang ia ka ding, kim donkam ban buh security deposit bad kiwei ki jingmyntoi hynrei ka shem jingeh ia ka sorkar ba kan pyntreikam lut namar ba ka bun palat ka jinglut ban leh shisien leh baroh.