Ka sorkar jong ka Ecuador, kam lah shuh ban lum ia ki met iap, kiba la shu thiah iap ha madan bad ka daw, ka long namar ba ka sorkar, kam lah bor shuh ban lum ia kitei ki met iap bad ban leit tep ne thang ia ki.
Haduh mynta, la iathuh ba ki don 150 tylli ki met iap, kiba la shu ieh ha ki iing jong kito kiba iap, lane ha kiba ha iing jongki bad katei ka la pynkhie niuhrih ia kiba shong ba sah ha katei ka nongbah ha Guayaquil.
Ki met iap mynta, ki don ha ki surok bah bad ban lum ia ki, ka long kaba eh shibun ia ki briew jong ka sorkar bad ka shimpor haduh lai bad saw sngi, na ka bynta ban shimti ia kitei ki met iap. Haduh mynta, la iathuh ba ia ki met iap, la shu sop ha ki kynja synduk kot lane ki cardboard, ban tep ia kitei ki 172 tylli ki met iap, kiba iap na katei ka jingpang bad nangta ki don sa 3,500ngut kiwei pat kiba dang shu ioh ia ka jingpang.
U Vice President, ka Ecuador, U Otto Sonnenholzner, ula pan map na ki paidbah, haba ki la bun kiba ujor ia katei ka jingleh sting jong ka sorkar. La iathuh ruh ba mynta, ki mat iap, kiba la lum, ki long 150 tylli, tangba ym shym la lah ban pynthikna, la ki don katno ngut kiba iap na ka coronavirus.
Phi don ban ong eiei?