Ki MDC ba la risaiñ ruh kin ngat, hapoh ka jingbishar ia ka Ar maloi

Shillong, 27 Naiwieng:
Wat la ki la don haduh 7 ngut ki MDC kiba la risaiñ noh na ka kam jong ki, namar ba ki bat ha kajuh ka por kum ki MLA pynban katei ka kam kam pat shym la pynsting ia ki bad ki long lem kumba long u bah Pynshngaiñ N Syiem, ha kaba ki dang hap hapoh ka jingbishar ka High Court namar ba ka la ong ba ka jingrisaiñ jong ki kam dei shuwa ban ujor mukotduma, hynrei ki la risaiñ hadien ba ladep ujor sha kashari.
La ong ruh ba kat kum ka jingujor PIL ka long beit ban mait kyrteng ia ki MLA kiba bat ha kajuh ka por kum ki MDC, bad ka jing mudui ka la ong ba kam dei ka jingrisaiñ jong ki, na kawei na ki kam ba ki bat hynrei ban mait kyrteng beit ia ki. La ong ba wat la ka sorkar jylla ka la thaw ia ka aiñ ban iada ia ki MLA na ka jingshah mait kyrteng hynrei ka high Court ha ka jingtian bishar jong ka ka bishar beit ia ki 8 ngut kiba don kyrteng.
Ha kine ki khyndiat sngi ki tyllong khubor ba ka High Court ka shong bishar ia katei ka kam, la ong ba ka la don ka jingbyrngem ban mait kyrteng ia baroh kitei ki nongmihkhmat paidbah ba bat kam ar maloi wat ia kiba la risaiñ ruh. La ong ba hadien katei ka la don ruh ka jingiakynduh lang jong kitei ki 7 ngut ki nongmihkhmat na Khasi Hills lait noh uwei na Jaintia ha kine ki khyndiat sngi ban pyrkhat na ka bynta katei ka kam.Lah ban kdew ba hadien ba ka sorkar jylla ka la pass ia ka Aiñ ban iada ia ki MLA na ka jingshah mait kyrteng baroh ki MDC ba long MLA ki la risaiñ pynsted na ka jinglong MDC jong ki lait noh u bah Pynshngaiñ N Syiem u CEM ka KHADC uba dang pyneh haduh mynta ruh.