Ki la don ki MLA Congress, kiba wan ia kynduh ianga, ong U bah Alexander

Shillong: “Ki la don ki MLA Congress, kiba wan ia kynduh hi ia nga, tangba ki donkam ban ia biang briew ban pyniasoh bad ka BJP, khnang ba kin lait na ka jingshah pynduh long dkhot” ong U bah Alexander Laloo Hek, MLA ka seng BJP ha ki kotkhubor myn hynnin ka sngi.
U Bah Hek, u ong shuh shuh ba u pdiang sngewbha ia baroh 19ngut ki MLA jong ka seng Congress, ba kin pyniasoh sha ka seng BJP. “Baroh ki iakren halor ki kyndon jong ka ain kyntiap seng. Kumta ka lynti kaba biang eh, ka long ban pyniasoh beit da ka seng baroh kawei bad halor kane ka donkam ia ka jingdon briew kaba biang” ong U bah Hek.
Ha kajuh ka por, U bah Hek, ula pynpaw ruh ba ha u snem 2023, ka sorkar ka ban wan ha ka Jylla, kan dei ka ban ialam da ka BJP.