Kabul: Khyndiat sngi mynshwa ki ehrang Taliban, ki la thaw ia ka sorkar thymmai ha Afghanistan bad ha katei ka sorkar, ki don tang ki shynrang suda, hynrei mynta ka sngi, ki ehrang Taliban, ki la kren shai, ba ki kynthei, kim dei satia ban dei ki dkhot jong ka kynhun sorkar, namar ba ka kam jongki, ka dei ban kha khun.
U nongkren jong ka sorkar Taliban, U Sayed Zekrullah Hashimi, u la kren shai mynta ka sngi, da kaba ong “Ka kynthei, kam lah ban long myntri sorkar. Ka long kumba phi buh ia ka tiar kaba khia ha ka ryndang jongka, kaba kam lah shuh satia ban rah. Ki kynthei, ki dei ban kha khun bad ki kynthei kiba iakhih, kim dei satia kiba mihkhmat ia baroh ki kynthei ha Afghanistan” ong U Hashimi.
Ka kynhun myntri, kaba 33ngut, jong ka sorkar Afghanistan, ka kynthup ia ki 5ngut ki snar ehrang, kiba la shah set phatok ha Guantanamo Bay jong ka America. La iathuh ba ka sorkar thymmai jong ka Afghanistan, kan lah ban bam smai ha ka 11tarik Nailur 2021, kaba dei ruh ka sngi rakhe kaba 20, halor ka jinghiar thma ia ka Ri America.
Phi don ban ong eiei?