Shillong: Ka Sorkar Jylla, ka la pynbna ia ki kyndon ban plie iing mane naduh ka 1tarik Risaw 2020.
Kitei ki kyndon ki kynthup ba kito kiba la 65 snem ka rta; nangta kiba ar met, ki khynnah kiba hapoh 10 snem ka rta bad kiba don bun jait ki jingpang (comorbidities) ba ki dei ban shong khop ha iing.
La bthah ba kiba leit jing iaseng, ki dei ban ia jngai mar san phut iwei ia iwei pat, nangta dei ban deng da ki jing tap shyntur bad tap khmut, dei ban sait khuid bha ia ki kti da ka sabon, kumba 40 haduh 60 sekhon bad ban sait ia ki kti da ka dawai kaba la khleh kyiad, ha ki jaka kiba i iahap, la kumno kumno kumba 20 sekhon.
La bthah ruh ba ha shwa ban rung sha ki jaka mane blei, dei ban pyndonkam da u thermal screening, ha kaba yn lah ban ioh ia utei u tiar na ophis ki DMHO, da kaba siew da ka dor bad tang ki bym don dak jingpang, kin ioh rung sha ki jaka mane blei.Dei ban tah ruh ia ki jingthoh kiba la pynmih da ka tnat ka koit ka khiah, na bynta ki kyndon ban iada bad dei ruh ban pyni ia ki video kiba hikai ban sumar ialade, ba la pynmih da ka tnat ka koit ka khiah.
La ong shuh ba lah ban pynlong jingiaseng bunsien ha ka shi sngi, tangba ym dei ban pynlong slem bad kaba slem duh, ka dei ban long tang hapoh shi kynta eiei bad la khang ruh ban ialum ha khmat jong ki jaka mane blei, haduh ba la wai ki jing ia seng.
Ki juti, dei ban buh ha ki kali jong kito ki nongleit jingiaseng, lane ban buh ha ka jaka ba kyrpang, ha kaba yn hap ban buh kyrpang la ka jong ka jong, katba ia ki iingmane Khristan, lah ban shah ba kin phong iingmane, tangba dei ban don ki jaka buh kiba kyrpang ba ki riew ngeit kin law bad kin buh ia la ki juti ha iingmane.
Ha ki iingmane, ka jingbun briew, ka dei ban long shi bynta na ka lai bynta jong ki jaka shong ha ki iingmane, ha ki mosque dei ban ia jngai san phut iwei ia iwei pat. La shah ban iathoh, tangba ki nongleit iathoh, ki dei ban long tang shi bynta na ka lai bynta jong ka jingdon ki jaka shong. La ong shuh shuh, ba yn nym shah ban ia iaid ia bun, haba leit sha ki jaka tep briew. La khang ruh ban ktah ia ki dur blei, ki kot ba khuid bad kiba leit sha ki iingmane, ki dei ban rah la ki jong ki kot jingrwai lane kiwei ki kot ba khuid.
Ha ki jaka mane blei, ym dei ban shong lang ha u juh u shylliah, hynrei ki dei ban wan rah la ki jong ki shylliah ban shong la ka jong ka jong ka jong bad ha ki iingmane khristan, ki nongleit jingiaseng, ki dei ban deng mask, wat haba ki ia rwai ruh. La bthah ruh ba kiba leit jing iaseng, ki dei ban leit ha ki jaka kiba jan eh, na ki iing jongki, ban iada na ka jing ia iaid ia ieng bun briew.
Ha ka por ba ai sakramen, kito kiba pyniaid ia katei ka jinglehniam, kum ki Pastor, ki Phadar; ki dei ban sait bha ia la ki kti, ki dei ban phong da ki globes.
Kitei ki long khyndiat tylli ki mat, kiba la sot bad pyn kylla khasi, na baroh ki kyndon kiba don 30 tylli.
Ki kyndon bala buh ka sorkar bad ki kyndon u blei kim ia dei tang khyndiat ruh..lada ngi don ka jingngeit ha u trai jisu christ bad ngin shakri khuid naduh ka mynsiem bad ka dohnuh wat kata ka corona ruh kam lah ban leh eiei iangi ki briew katba ka sorkar kan nang shna iaki aiñ ba ha rukom katta u blei u dang isih iangi lada don kata ka mon ban aiti ha u blei kamet bad mynsiem ba ngin shakri da kaba khuid u blei u tip kein kmno ba un pyllait ia kita ki briew jong u iaki ba ngeit bad shakri iaka ka kyrteng u nong pynim..kumba la bthah ka sorkar sanphut dei ban iashong jngai ha ing mane don jingmut aiu ban plie iaki ing mane kabha baka sorkar kan ym nym plie iaki ing mane..wat kita ki dwai sait kti bala mix da ka kiad ym dei ban buh..ka bha ban ailad kum mynshuwa ba ngin pynlong jingiaseng