Ki kot ki ialam ia ka jingim ha ka lynti kaba dei, ong u Lat

Shillong, 8 Jylliew:  
U Lat ka jylla Meg halaya u V Shanmu ganathan u la plie ia ka iew die kot ka ‘Shillong Book Fair’ kaban neh bun sngi.
Haba kren ha ka jingplie, u Lat ka jylla u la ong ba ki kot ki ialam ia ka jingim ha ka lynti kaba dei ia u briew.
Ia kane ka iew die kot la pynlong da ka National Book Trust, India ryngkat ka jingiatreilang bad ka Directorate ka Arts bad Culture, ka district administration bad ka St Edmund’s College.
 ”Ka jingpule ia ki kot ka ialam ia phi ha ka lynti kaba beit bad kaba dei jong ka jingim”, la ong u Lat.
“Ka jingkyntiew ia ki kot bad ban pynbiang ia ka jingpule ka dei ka jingthmu jong kane ka iew die kot”, u la ong.
U la ong bang, “Bun bah ki briew kiba ngim iohi ia ki hynrei haba ngi sdang ban pule ngi tip ia ka jinglong jingim jongki, ngi sngewthuh ia kiei kiei kiba bha”.
U Shanmuganathan u la iap biej ia ki jingrwai bad ki jingshad tynrai bad hadien ba la wai, u la ai sngewbha da ki kot ia kine ki nongshad bad ki nong rwai.
Ha kane ka iew die kot palat 40 ngut ki nongthoh kot bad ki nongdie ki la wan ban iashim bynta.
Ha kane ka jingialang, la ioh ruh ia ka jingkren na u chairman ka NBT, India u B Sharma  bad ruh na Assistant Director ka NBT ka  Kanchan Wanchoo Sharma.
La don lang ruh u Deputy Commissioner ka East Khasi Hills District u Sanjay Goyal, ka Director ka Arts bad Culture Kong Matsiewdor W Nongbri bad u Principal ka St Edmund’s College u Dr Sylvanus Lamare.