Ki kmie ki kpa

Kong Linda Kongwang
Kumno ban ieid bad sumar iaki haka juk behkam mynta Ki kmie ki kpa ki dei kita kiba ieid tam iaki khun jongki khlem da thew ne buh kyndon. Kidei kiba bahkhlieh na ka bynta ka jingkoit jingkhiah, ki ai jingiada bad kiba ai jaka rieh ruh iala ki khun. Kidei kiba ai jing nang jingstad bad hikai ia kaba dei bad bymdei, ban sneng bad ban iarap iaki khun ban poi sha ka thong jong ka jingjop. Kidei kiba ai iaka jingim kaba bha tam bad ki peit shuwa iaka jingdonkam ki khun ban ialade.

Hynrei wat ym klet pat ban leh iaka juh ynda haba ki la noh ka rta bad baki donkam iaka jingieid jong ki khun. Bun naki briew ki ba bunkam shisha haki jaka trei naka por sha ka por kat haduh ban pyllait por khnang ban don lang bad ki kmie ki kpa ka long kaba jynjar shibun. Hynrei phi lah pat ban trei ki kam haki jaka trei bad hakajuh ka por phi lah ban ai jingkmen pat iaki katba phi sngew ieid ban ai.

Ka jingshah ieh bein, ka jingsah marwei, ka jing sngew kynjah bad ka jingduh jingkyrmen kidei ka jingeh kiba hakhmat tam haka ba bun naki kmie ki kpa ki ju iakynduh naka por sha ka por ne ki lah ruh ban don dakiwei pat ki jingeh ka ba kham pynsngewsih shuh shuh iaki lada ki khun ki leh bein iaki. Ka jingbymlah ban pyniadei katkum ka lynti ba ki ju iaid kalah ban ialam sha ka jinglong marwei man la ka sngi.

Bun na ki kmie ki kpa ki kham shah iehbein da ka jingmong bad jingsngewsih bad ki khun kidonkam ban leh ei ei ban pynbeit ia kine. Hangneki don katto katne ki jingai jingmut kiba phi lah ban pyndonkam ban don ka jing iajan bad ki kmie ki kpa bad pynthikna ba ki ioh ka jingieid bad ka jing sumar kaba biang.

Kaei kaba phi dei ban leh haba phi don sha jngai nala ki kmie ki kpa:- 1. Ka jingiadei kaba jan – Ymdon balah ban khanglad iaphi ban poi sha ki kmie ki kpa jongphian la ka por. Ki buit ba stad ka juk mynta (modern technology) ki la nang kham pynsuk shuh shuh iaphi lyngba ki video call hakaba phi lah ban iohi markylliang haba phim don hajan jongki. Tharai phi juh phone tang ar ne lai sien haka shibnai. Pynbiang ia ka por ban kren lada phi bunkam naka por sha ka por. Phi lah ban kren phone badki mynstep bad mynmiet ne mynsngi ruh haba lait. Kane kan ai mynsiem bad jingkmen shikatdei khamtam haba ki don jingshitom. Haba ki shitom ka mut kilah ban bun jingmut jingpyrkhat kaba lah ban ialam shaka jingpyrkhat jylliew hynrei lyngba ka jing phone jongphi man laka por kan iarap ban pynduh iaki jingsngewsih ne sngewtmang bad kin sngew ba ka jingiohpdiang ia ki phone calls naphi kan dei ka kam kaba ha khmat eh jong ki.

[ba bteng]

• Ka jing leit iakynduh man la ka por – Phi dei tang maphi kiba tip kumno ban pyllait por ban leit iakynduh iala ki kmie ki kpa. Wat la phi ioh bun ki jingmyntoi naki teknoloji mynta ban phun ne video call, hynrei ym don jingstad kiba lah ban mih bujli ban ia kaba iohi markhmat. Kam dei eh tang ban iohi ba ki long kumno, hynrei kan kham pynkmen bunshah iaki ban iohi iaphi. Lada phi shem jingeh ban leit iakynduh man ka por namar ka jing jngai ki jaka sah ne jaka trei, phi lah ban pyllait khnang pat daka phun ne video call man ka por. Lada phi lah ban leh kumne kan aibor ai mynsiem bad wat ban long ka daw iaki ban kwah imslem.
• Ai mynsiem iaki ban shim bynta haka imlang sahlang – Ki prokram ne kino kino ki jingiakynduh lang ki ju don beit ha man la ki jaka sah ne ki shnong, phi lah ban ai mynsiem iaki ban shim bynta lang hakum kine ki jingiakynduh lang ha ka imlang ka sahlang. Kane kan iarap ban pynduna jingkhuslai haka jingim ki kmie ki kpa jongphi bad kan iarap ruh iaki ban don ka jingiadei kaba bha ha ka imlang sahlang. Ban shim bynta ha kino kino ki prokram khamtam iakito kiba la heh ka rta kan pynkylla ia u briew uba lehrain sha u riewrangbah u ba khih ba ksar bad uba kmen.
  Kiei kiba phi dei ban leh lada phi shong phi sah lang bad la ki kmie ki kpa:- 1. Pyllut kham bun ka por bad ki – Ki ju don en em ki concert, ki cinema, ki shopping mall ne ki jaka khawai kiba phi ju sngewtynnad ban leit bad kiba ieid jongphi haba phi iohpor? Balei phim pyrshang ban leh iakine bad laki kmie ki kpa jongphi. Ialam kai iaki sha ki jinglehkmen kiba ia shim bynta da kiba bun balang kiba don shajan ki jaka sah jongphi namar kham bun nakine ki jait jinglehkmen kiba ki briew ba lah kham heh ka rta kim ju kwah ban pep. Nalor kita phi lah ruh ban ialam kai iaki shabar shnong ne shabar ri. Lada phim sngewlah ne kotbor ban leh iakine phi lah ban leh ei ei ha iing kiban pynkmen iaki bad iaphi ruh kumjuh.

Yn dang bteng