Shillong:Haba ai jingmut ba kan bha ba tang kiba la ioh injek, kin wan sha ki jaka mane blei, iano pat ki nongialam niam kin kyntu ban ai Vaccine.
Hadien ba na ka liang jong ka sorkar jylla, ka la shim ia ka rai ban plie noh ia ki jaka mane blei ha ka jylla naduh ka 16 tarik mynta u bnai ha ryngkat bad ka jingbthah ba ki balang bapher bapher ki dei ban bud ia ki SOP ba ka sorkar ka la pynmih.
Ki SOP ki ba la buh ban bud da ki niam bapher bapher lada plie ia ki jaka mane Blei, kin long kum ba la dep pynmih ha u snem ba la dep, hynrei mynta u snem, yn khang ia ki khynnah kiba hapoh ka 18 snem ba kin wan shim bynta ha ki jaka mane Blei.
Na ka liang jong u Chief Secretary u MS Rao u la pynpaw ruh ba ka rai ban shah ban plie ia ki jaka mane Blei ka long khnang ba ki nongialam niam kin ioh ban kyntu ia ki briew ba kin mih sha khmat ban ai Vaccine, hynrei u la ai jingmut pat ba kan bha shibun ba tang ki briew ki ba la dep ai vaccine kin wan ban shim bynta ha ki jaka mane Blei.
Na ka liang jong ki nongialam niam ki la pynpaw ia ka jingsngewkmen ba ka sorkar ka la sngap ia ka jingkyrpad jong ki, ha kaba iadei bad ka rai ban plie noh ia ka jaka mane blei, hynrei ki la pynpaw ruh ba kan shem jingeh ia ki ban kyntu ia ki briew ban shim injek, lada ka sorkar ka ai jingmut ba tang ki ba la ioh Vaccine kin wan sha ki jaka mane Blei.
Na ka liang u Swami Hika Kamananda u la buh u la ong ba ha ki jaka sor, bun na ki briew ki dei ki ba la ioh Vaccine, haba ia nujor bad ki jaka ha nongkyndong, kumta lada ka sorkar ka ai jingmut ba kan bha ba tang kiba la ioh Vaccine kin leit sha ki jaka mane blei kan wan rah jingeh, ia ki nongialam niam ban kyntu ia ki paid riewngeit ban shim vaccine.
Na ka liang U Fr Richard Majaw, u la iathuh ba ka jingkhot jong u CS, ka long ban ia kren halor ka rai ban plie noh ia ki jaka mane blei ha kaba baroh ki SOP ki long kum ba la bthah da ka sorkar mynshem snem, hynrei khyndiat kiba ki la rai ki long halor ka jingpynlong ia ka jingleh niam tang hapoh ka shikynta bad ym ym shah ia ki khynnah ban wan ingmane.
U la ong ruh ba na ka liang jong ka balang, ha ki por ba la dep ki ju don tang 2 lane 3 tylli ki Mass, hynrei mynta namar ba ka mass kan long tang shikynta kumta na ka liang ka balang ka la pyrkhat ba kin pynbun ia ki mass khnang ba baroh ki para bangeit kin iohlad ban wan shim bynta. Na ka liang U Pastor M.J Hynniewta u la iathuh ba kane ka jingiakren ka long ban bud ia ki SOP kum ba la dep ban pynmih naduh mynshem snem, hynrei mynta ka rai ka ba ki la shim ka long ba ia ki khynnah kiba hapoh ka 18 snem, yn ym shah ban wan sha ki jaka mane Blei.
Wow sngwphylla ki parashakri wa da mih kam kani khubor,baroh shi katta ngi tip ba ka ingmane Blei ka ing kaba pdiang sngew bha ia u ba phong ki jaiñ jot,ki jaiñ tngit,ne ki jaiñ remdor,riewspah ne duk, ka ing u Blei ka khlem thew ia ki ba bha briew ne sniewdur ka,ka iing u Blei ka pdiang ia kat kiba mon ne kwah ban leit. Kumta kiba ngeit kim sngw lah pdiang ia kata ka ai tika shwa ban leit sha ingmane.Namar u Blei u khlem phah ia ngi ba ngin aitika shwa ia lade…ha waiñ store ki briew ki leit man ka sngi kim juh kylli ia ka tika,khnang ban jet lut ka pyrthai.m