Ki khlur ak phlim South Korea, ka Son Ye-jin bad u Hyun Bin, ki la pynbna, ba ki la dep iateh ktien ha ka Sngi Palei bad ki iathuh ia kata, lyngba ka Instagram. Kitei ki shijur, ki ia ak lang ha ka phlim, kaba iaid iew bha, kaba la ai kyrteng “Crash Landing on You,” kaba dei ruh ka phlim, kaba itynnad bad kaba ki briew ki peit bha ha South Korea bad ha kylleng pyrthei hi ruh, ong ka khubor jong ka CNN.
Ha kane ka phlim, ka Son, ka ak kum ka Yoon Se-ri, kaba ioh pateng ia ka spah ka phew jong ka iing jongka, na ka kam suh jain bad ka ia kynduh bad U Hyun, lane uba la tip, U Ri Jeong Hyeok, u shipai uba na North Korea. Kitei ki arngut, ki iakynduh ha ha ka jaka, kaba lait na ka jing pahara ki shipai ha North Korea lane ka Demilitarized Zone (DMZ) bad ka dei ha katei ka jing ia kynduh ba shoh jingieid iwei ia iwei pat.
Katei ka phlim, ka la long kaba itynnad shibun bad ki riew ieid ia kitei ki khlur ak phlim, ki da sngew ieid shikatdei, haba kitei ki arngut ki samla, ki pyn urlong ia ka jing iadei jongki, da kaba ki pynkhreh ban ia poi kha shisha ha ki sngi ban sa wan, naduh ba ki la sdang ban ia shoh jngieid ha u snem 2021.
Phi don ban ong eiei?