Shillong 28 K’Lyngkot: Ha ka sngi ka ba bud jong ka jingthep kyrteng ki kyrtong ban ia aireng ha ka ilekshon MDC ha District Council, ka ba long mynta ka sngi baar ka 28 tarik Kyllalyngkot 2025, u kyrtong ka Khun Hynniewtrep National Awakening Movement (KHNAM) u bah Joseph Pyngrope ula wan ban thep kyrteng ha ka ophis jong ka Deputy commissioner, East Khasi Hills District.
Ha kane ka sngi thep kyrteng ubah Joseph la wan ban synranlang da ki bahaiing hasem ryngkat ruh bad ki nongkyrshan.
Haba iakren bad ki lad pathai khubor ubah Joseph Pyngrope ula ong, ba ka mad ka ba hakhmat eh kadei ban iada ia ka jingwan rung kyrthlep ki briew ba nabar (inflocks), ha ka ba lada jur kane ngi shah knieh ka khaii ka pateng bad ka kam kajam.
Haba ngi peit naduh mynshwa ha kapor ba ka Ri india ka dangsdang naduh u snem 1947, ha kaba ki phareng ki wan shane ha kadur kadar ban leh ia ka trade bad ban khaii pateng hapoh ka ri, hynrei ha kaba kut ki ioh ban synshar, kajuh hi kadei beit ka trade bad ja marketing hi namar hangne ha ka jylla jong ngi, kum ha iewduh haba ngi leit ki Khasi ki shongdukan ha ki lynti iaid kjat (Footpath), katba ki bar jylla pat ki shong hapoh dukan, la bynrap ubah Joseph.
Ula ong ruh, ba ka ba sngewlyngngoh kalong, ba ka District Council kadon iakata ka iktiar ban leh ia kane ha kaba iadei bad ka trading license, ka jingkylli kalong ba ia ka Non-trading license ha kaba la ong, ban regulate iaka, ka bamut ba lada don ki Khasi-Pnar ki ba la lah ban leh ia ka kam khaii ym dei shuh ban dang pynthymmai (renew) ia ka trading license, hynrei dei ban plie lad plie lynti ia ki briew lajong, hynrei ula ong, ba haba ngi peit mynta hapoh iewduh, khyndai lad ter ter ki lah bun ki bar jylla bad ula buh jingkylli ba mano ba ai trading license ia ki.
Kumta ula ong, ba ka KHNAM ka peit bha ia kane ka jingwan rung kyrthlep ki briew ba nabar (inflocks), ha kaba iadei bad ka Trade bad ka Marketing namar dei nakata hi kadaw ba ki bar jylla ki ioh ban wan khaii pateng hangne bad ban long trai syndon.
Haba kylli pat ha kaba iadei bad ka ain hapoh District Council ubah Joseph Pyngrope ula ong, ba ka ain hapoh district Council kalah don lypa, hynrei ban pynkhlain shuh shuh ia ka ain kata ngin hap ban leh bad mynta ngim pat don ha district Council ngin hap ban iaid ia ka ilekshon, ai ba u paidbah un pynpoi iangi bad ngin sa leh ia ka kam namar ban shu kren tang ka ktien kam iahap.
Phi don ban ong eiei?