Ki khar Bihari, ki dei kiba tlot jabieng, ki ioh lut pat ia ki kam ha tnat rel, ong u Nehru

Ha ka jingialang jong ka seng DMK, kaba la pynlong ha Trichy, u myntri ka sorkar Jylla Tamil Nadu, U KN Nehru, u kynnoh ba ka dei lyngba U Laloo Prasad Yadav, myntri barim ka tnat rel, uba la pynshlei mam, da ki khar Bihari, ha ka tnat rel, wat la katei ka dei ka bhah jong kiba bun ki nong Tamil.

U KN Nehru, u ong ki khar Bihar, ki dei kiba tlot ka bor jabieng jongki, hynrei tang ha ka karkhana shna rel ha Trichy Ponmalai, ki don haduh 4hajar ngut ki khar Bihar, kiba trei hangtei. Nangta, ki don ha ki jaka ap khyrdop, ha kiba bun ki bynta jong ka Tamil Nadu, ula ong.

Ha katei ka jingialang, U Nehru, ula ong ba un sa ai kam ia ki 15 hajar ngut kiba la thep kyrteng ha ka portal ‘Directing Trichy’, ha kaba yn ai, katba kum ka kyrdan pule ba ki don.