Shillong:Ha kaba kum kane ka khlam, ki don ki jingeh, kiba ktah ia u paidlang ka jylla, ha bun bah ki liang bad kitei ki kynthup naduh ka bam ka dih, ka dawai dashin, ka pisa pilain bad sa shibun kiwei ki jingeh ba ki ia kynduh shimet shimet.
Ka Ram Krishna Mission, kawei na ki seng, kaba la ju iarap ia ki rangli ki juki, ha ka pule puthi, ha ka jing sumar, bym juh shim pisa eiei, ka la pyni, ia la ka jong ka bynta ba khraw, ha kane ka shisnem tam, jong kane ka khlam, da ki jing iarap, kiba pher sha ki nongshong shnong ka Ri Khasi Jaintia.
Ban ioh jing shai, halor ki kam radbah, jong ka RKM, U bah RM Sha bong Editor Rupang, ula buh jingkylli, da kaba shu phah da ka email sha U Swami Anura gananda, Secretary ka Mission bad kine ki long ki jingtip, ba ngi pynmih harum –
Rupang:Ka Ram Krishna Mission, ka la ju don bynta, ha kaba iarap ia ki shem lanot, kumta, ha kaba kum kane ka por jong ka khlam, kiei ki jingiarap, kiba ka Mission, ka ai jing iarap ia ki briew kiba donkam?
Swami Anuragananda (SA): Ha une u snem ngi ai jingiarap ha kane ka rukom ha ka por ka jingkhie kane ka khlam: 1. Da kaba leit shaw ia ki nongpang na ki shnong nongkyndong bad ialam ia ki sha ki jaka sumar (Covid Care Center. 2. Da kaba iarap da u Khaw 25 kilo bad u Dai 5 kilo sha : (a) Ki tnum iing ba ioh positive (b) Ki tnum iing ba shong quarantine bad (c) sha ki long-iing baduk eh ha kane ka por lockdown. 3. Da kaba sam ia ki PPE Kits sha : (a) Ki Volunteer shnong lada ki donkam ha ka por ba pyndep ia kiba iap da kaba ki thang ne tep noh tang shu pyndep ia ka jinglehniam leh rukom. (b) Ki volunteer kiba trei mon sngewbha ha kane ka por khlam lyngba ki shnong bad ki dorbar shnong. 4. Da kaba pynioh ia kine ki tyndong oxygen ha dispensary jongngi ha Sohra na ka bynta ki nongpang COVID da kaba pynbiang ia kine ki tyndong oxygen (Ngi la ioh jingiarap 4 tylli ki tyndong oxygen hadien ba la paw ha ki kot khubor ia ka jingtreikam jingiarap jong ka Mission na bynta ka jingdonkam ia kine; 2 tylli kin wanpoi mynta ka sngi.) 5. Da kaba iarap ei da ka ambulance ba la teh ia kine ki tyndong oxygen sha : a. Kaba leit shaw ia ki nongpang ba ioh ia kitei ki jingpang na ki thain Border kum na Shella, Bholaganj, bad kiwei sha ki COVID Centre bajan tam kum ha IIM Shillong, Super Care Hospital Shilong,etc. b. Ban leit kit ia ki nongpang COVID positive lada don sha Shillong khnang ban ioh jingsumar khambha. c. Ban iarap ambulance na bynta ki jingsumar bakyrkieh. 6. Ban kit ei da ka bus na ki shnong ban : a. Ioh test ia ki nongpang shaphang ki dak ki shin u COVID . b. Ban wan kit sha CHC, RKM Dispensary khnang ban ioh jingsumar bad jingiarap dawai. 7. Da kaba iarap ei lyngba ka Online Portal HIKAI jong ka pule-puthi ba la pynbit-pynbiang kat kum ka MBOSE ia uno uno u khynnah skul ha Meghalaya Que.
Rupang: Kiei ki shnong kiba kynthup hapoh kine ki jingiarap da ki marbam ne ki dawai?
SA: Ka jingiarap da ki marbam: Kane ka jingiarap ka kynthup ia kito ki long-iing kiba ioh ia une u COVID ha kino kino ki shnong kiba hap ha Khasi bad Jaintia Hills. Nyngkong te ngi ioh jingkyrpad na ki trai shnong lyngba ki Rangbahshnong ne ki riew rangbah ha shnong. Ia ki jingkyrpad la pynbit pynbiang ban shem ia kiba dei shisha lyngba ki nongiarap bathikna bad sa pynbeit sngi na ka bynta ban leit ai jingiarap.
Mynshem snem te ngi la leit sam marbam wat haduh Garo Hills bad katto katne ki khappud Assam mar syndah bad ka Garo Hills. Ha une u snem te ngi don jingthmu ban aijingiarap marbam sha Khasi bad Jaintia Hills. Hynrei ngim lah ban tip haduh katno kane ka kam jingiarap kan ktah. Ka shong baroh ha ka jinglong bashisha jong ka jingdawa ka kam.
Rupang: Ngi iohi, ba ki Ambulance jong ka Mission, ki iaid ban ai dawai, kumta phi ju shim pisa ne ai ei dawai bad kiei ki shnong, kiba phi shait leit ai dawai?
SA: Em. Ngim shim jingsiew ei ei da kaba ai kali ambulance ne ki dawai la ka long ha ka por ai jingiarap COVID ne wat ha ka por bymdon kane ka khlam ruh. Ngi la pynkylla ia ki 4 tylli ki kali jongngi ban ai jingiarap ia ki paidbah da kaba pynbiang ia ki jingthiah bad ki tyndong oxygen na bynta ki nongpang. Ka JIngleit ai jingiarap ha ka por bymdon ka pang khlam: Ka jingleit ai jingiarap dawai kumba ju leh sha ki jaka bapher: 1. Ka RKM Dispensary Sohra ka ai jingiarap ia ka Sohra pyllun bad sawdong ki thain jong ka. Ngi pyniaid 2-3 tylli ki skul bus, khlem donkam siew ei ei ban wan kit ia ki nongpang sha Dispensary bad ai jingsumar dawai ia ki. Ia ki dawai la ai khlem jingsiew ei ei, hynrei na ka bynta ban leh test te ngi shim duna katta katta. Ki jingtest ba ngi leh ha Lab ki long: a. Pathological test ia u lever, kidney, lipid profile, blood sugar, total hemogram, blood count, sputum test, urine and blood routine exams, Hba1c, TSA, bad kiwei. b. X-ray; whole body and dental, etc. c. USG whole abdomen, lower and upper abdomen, KUB, etc. d. Eye: Testing eye pressure, glaucoma, power test, etc. e. Physio; Ultra Sound, IFT, TENS, Paraffin Wax bath, Laser therapy, bad kiwei pat kiba bun rukom.
2. Ka Mobile Service: Ngi pyniaid 2 tylli ki kali ai dawai ban ai jingiarap ia kiba pang khamtam ha ki C&RD Block ha East Khasi Hills kum ha Shella Bholaganj, Laitkroh 12-shnong Block bad Pynursla Block. Ngi ai khlem jingsiew ia ki dawai ha baroh kine ki jaka. 3. Ngin sa sdang ai shen ia ka jingai jingiarap ai dawai ha i rukom barit ha Jaintia Hills jong ka Nangbah Elaka. Ngi kyrmen ba phi la ioh jingmut ia ka rukom ai jingiarap jong ka Mission. Ki don shibun kiwei pat ki rukom ai jingiarap na ka por sha ka por kat kum ka jingkyrpad na ki shnong bad nongshong-shnong kum kaba ai jingiarap ki jain syaid ha ka por tlang, ka jingiarap ia ki long-iing kiba shem lanot na kino kino ki jingktah jong ka mariang, bad kiwei. Khublei shibun.
Ka RKM (Sohra) ka dei ka wei naki mission ba paw bha hapoh ka Ri India jong ngi bad ka dei ruh ka mission kaba kloi bha ban iarap ia juk u rangli haka por ba don kam eh ka jingiarap laka dei ha kano kano ka rukom.Nga dei u wei na jaintia nga la iohi dala ki jong ki khmat baka RKM kala iarap shibun sha ngi ki nong jaintia, khamtam ha kum kane ka por badon kam ka jing iarap ba kyrkieh.mynshem snem kala iarp sha ngi kum u khaw,u dai,ki jain ki nep bad ki wei ki wei.ngam don kyntien shuh ban ong eiei,ngan ong khublei shibun RMK sohra(im slemRKM haRi khasi jaintia jongngi ban shakri ia u juk u rangli).