Ki kam aiu pat ba kim pat nang ki Trai muluk?

Babu Kular Khongjirem

Ka jingpynbna ka sorkar MDA lyngba u Deputy Chief Minister ban wan rah nongtrei kiba kham tbit da ki bar jylla ka la pynlyngngoh ym tang ia ki seng bhalang bapher bapher hynrei wat ki riew paidbah kiba dei ki trai muluk lajong ruh.Balei ka sorkar ka kwah wanrah nongtrei na bar state haba ki trai shnong kim duna shuh ha ki liang(lines) jong ki jait kam bapher bapher? Kane ka juk ka dei ka juk jong ka jingkyrduh kam kyrduh jam( the age of unemployment) jong ki samla trai muluk kiba la nang la stad(highly qualified).Ki kam aiu pat ba ki trai shnong kim pat nang ban trei ha kane ka juk ba bun ki samla ba la dep pyntbit ia lade ha ki lain jingstad bapher bapher?

Ka sorkar kam dei ban buh rieh ia kita ki kam(posts) kiba lait ba ki trai shnong kim lah ban trei.Ki bun bah ki engineer trai ri la jong kiba la dep pyntbit(passed) ia ki line engineer bapher bapher ki bym pat ioh kam satia haduh mynta.Ki bun bah ruh ki operator trai ri kiba lah ban trei kham bha wat ia ki briew kiba dei na bar jylla ruh.Ki seng bhalang ki dei ban dawa shai kdar kum kino kita ki kam(posts) kiba lait (vacancy) na u Deputy Chief minister bsd hangno ki lait bad katno phew tylli ki lait khnang ba ki trai jylla kin ia tip shai la ki dei shisha ne em ki bym nang ki trai jylla ban trei ia kum kita ki kam ba kham eh(highly techical).U Deputy chief minister u dei ban phah ai shwa ki jingpynbna (Advertisement) ia kita ki kam(highly qualified posts) khnang ban ia tip paidbah ioh dei kiba lah ne kiba nang pynban ki trai jaka ban trei.Lada ka sorkar kam nud ban iathuh ne ka pyrshang ban buhrieh ia kita ki kam,kata,ka don kaei re kaei kaba rieh ha lyndet jong kane.

Lada dei ki kam shipor(temporary),ne ki kam contract basis kam pher,pynbna shwa ia kita ki kam ha ki Department bapher bapher ha shwa ba ka sorkar kan phah trei ia kita ki kam ha ki bar jylla.Namar,ha kane ka juk mynta,ki trai ri trai muluk jongngi kim duna shuh bad ki kham tbit pynban wat ia ki bar jylla ruh.Mynshwa,ki nonghikai Mathematics,Science,ki trai muluk jongngi kim pat don satia ban hikai ia kitei ki subject na kata ka daw hap khot da kiwei pat kiba na bar ban wan hikai ia kine ki subject.Mynta pat,kyrhai ki trai shnong kiba la passed Bsc/Msc kiba shu shong ei khlem kam khlem jam.Ki Doctor,ki engineer ki mechanics,ki techicians etc ha ki lain bapher bapher kim duna shuh.

Ai ba ka sorkar kan pynbna shwa ia kita ki kam ba eh(highly technical) ha ki Department bapher bapher ha shwa ba kan thung ne khot ia kita ki briew kiba stad kiban wan na bar jylla jongngi.