Ki kali sawkhmut kim siew khajna: HDR

Shillong 07 Lber:
U Myntri ka tnad ka kit ka bah u Bah HDR Lyngdoh u la ong ba ki kali kamai sawkhmut (SPTS) ki lait na kaba siew khajna sha ka sorkar namar ba ia kine ki kali, la pyniaid da ka sorkar.
Haba jubab ia ka jingkylli ba la wanrah da u MLA ka Sohra u Bah TW Chyne hynne ka sngi hapoh ka iing dorbar, u Myntri u la ong ba kine ki bos kim donkam ban siew khajna eiei sha ka sorkar halor ka nongrim ba la pyniaid da ka tnad Urban Affairs ka jylla.
Hynrei haba u MLA ka Sohra u la kylli kumno ka lah ban long haba ia kine ki bos la aiti sha ki riew shimet na ka liang u myntri u la shu jubab, “kine ki bos kim siew khajna namar ba ki hap ha ka jingpyniaid ka tnad Urban Affairs”.