Ki kali kit um, ki shem shitom bha, ba sha Khyndailad ki bun ki kali bad kiba shong madan, ong ki nongpynlip ding

Shillong:Ka jingjia pluh ding ha Thana Road, Khyndai Lad dang shen, ka dei kaba kham niar bha namar ba ka dei kaba jur. Ha ka jingiakren bad ki nongpynlip ding kiba mareh sha katei ka jaka ha kato ka sngi, ki la iathuh ba mar syntip ki la mareh bran bran sha katei ka jaka ban tem ia ka ding, hynrei namar ba ka jaka ka long kaba khim ka la buh jingeh ia ki ban iaksaid wut wut ban tem ia ka ding bad ka um kam ioh lad bha ban ksam namar ba la don ki bynta ba la tap ka tin.

“Ngi leit sha jaka ba pluh, ym tip ka mala kaba katno bad hadien ba la poi ha katei ka jaka, ka dei ka kamra ba don ka ding bad kam pat tdem haduh katta katta. Ka jingtrei shitom kam dei tang jong nga hynrei ka kam jong ngi ka long ban iarap bad baroh ngi la don la kajong ka bynta. Hynrei ka jaka ka long kaba khim bad ka shem jingeh ban iaksaid wut wut. Ngi kum ki Fire Fighter ngin pyrshang ban iarap”, u la ong bad bynrap, “Ki Firefighter ki la khniot ban mih ka um ban pynlip ia ka ding hynrei kam ioh ban ksam bha namar ba tap ka tin na jrong ba khyllem bad kane ka la bam por ban khyllie”, la ong uwei u nongpynlip ding”.

Ha kajuh ka por, la iathuh ba ka kham shim por ia ka kali kit um ban mareh wut wut namar ba ha thain Khyndai Lad la bun ki kali, kiba shong die madan bad ka kham shim por ba ki briew kin kynriaha.
Ki don 6 kynhun kiba la tem ban pynlip ia ka ding bad ka ding ka kham klang namar ba ka iing ka dei kaba shna da ki dieng hyndai. Ka jingkhim ka jaka bad ka jingshong dukan madan ka la pynsuki ia ka kali pynlip ding namar ba ka shim por ia ki briew ban kynriah.

“Ka jingeh ha katei ka jaka ka dei namar ba ka khim palat ka jaka ban iaid ki kali kit um bad ki don 6 kynhun kiba la tem ban pynlip ia ka ding bad ka ding ka kham klang namar ba ka iing ka dei kaba shna da ki dieng hyndai. Ka jingkhim ka jaka bad ka jingshong dukan madan ka la pynsuki ia ka kali pynlip ding namar ba ka shim por ia ki briew ban kynriah”, la ong uwei u pulit ka tnad pynlip ding.
Lah ban kdew ba uwei u briew u la khlad ha ka jingpluh ka iing ha katei ka jaka ha ka 14 tarik Risaw 2023. Ia kane ka iing kaba la kylla dpei, la dei trai u Amit Singhania.