Ki jingjylliew u Soitan

AIS SUJA

Ki jingjylliew u soitan, ka mut ka buit barieh u soitan ia kiba u briew um shemphang eiei. Ka ktien u Blei ka ong- “ kat ki bym don kane ka jinghikai , ki bymtip ia kita ki jingjylliew u soitan “. Jingpynpaw 19: 24.
U soitan u dei uta u angel Lucifer jong u Blei mynshwa ha bneng hynrei u don ka buit ba rieh ba arsap bad ka jingsarong kat haduh ba u lanud ban ialeh pyrshah ia u Blei ha bneng. U Lucifer soitan u ong- “ Nga long u Blei ( I am god) , nga shong haka jingshong u Blei , hapdeng ki duriaw “. Esekial 28:2. Hynrei u Blei pat u ong ha u Lucifer soitan – “Haba me hi u briew, ym u Blei , la me la buh laka dohnud kum ka dohnud u Blei?……… ka dohnud jong me ka meng (sarong) namar ki spah jong me”….Esekial 28:5.

Ka jing sarong u Lucifer soitan, u Blei u la pynhiar ia u sha dujok shaduh trai liewlong namar u Lucifer u ong- Ngan kiew sha bneng ngan kyntiew ia laka khet haneng ki khlur jong u Blei , ngan shong halor u lum jingiaseng ha kiba kut phang shatei, ngan kiew sha lyndet ki lyoh ,ngan long kum uba hajrong tam (most high) “. Isaiah 14:12-5.

Kumta kita ki jingjylliew ki buit barieh u soitan, u Blei u la iohi bad u Blei ula beh noh ia u naka bneng kaba lai ( Third Heaven) .Une u Lucifer u la kylla long noh u ksuid bad u soitan, uba long u nongialeh pyrshah ia u Blei bad u nongshun ia u briew. U soitan ula sdang na kper Eden bad tershiter u bud dien ia u briew haduh kine ki sngi bad kaban sawan. U soitan u bud dien iaki briew ,u bud dien iaki Balang ula bud dien iaka Balang ha Thiateira. Kane ka Balang Thiateira kala sdang haka snem 538ADbad ka sah haduh kine ki sngi bad kan saioh ban rung sha kata ka shitaiew kaba khadduh bala ong da u Daniel.Daniel 9:27.

U Jisu u pyrshah ia kane ka Balang namar ka don ka Jesebel.Na kata ka daw u Jisu u ong- “ Ngai thuh ia ki jingleh jongpha bad ia kajingieit bad jingeit bad iaka jingshakri bad iaka jingiaishah jong pha ……Naba phah shah ia kata ka briew ka Jesebel kein kaba khot ialade ka Nongiathuhlypa bad ka hikai ka shukor ia kita ki shakri jong nga . Hynrei haphi nga ong, kata ha kita kiwei kein kiaba ha Thiatira kat ki bymdon kane ka jinghikai , ki bymtip iaki jingjylliew jong u soitan ……Hynrei iakata kaba phi don , to ia bat skhem tat ynda nga wan. Jingpynpaw 2:19-29. U Blei u isih iaki jinglong Jesebel haki Balang ba mynta , namar kim ithuh iaki jingjylliew jong u soitan ban pynjot pynpra haka long briew man briew haka imlang sah lang khamtam haka Balang. Ka jingdon ka Jesebel haka Balang ka pynsniewdur ia kabor bad ka jingieit jong u JIsu Khrist.

Ka Jesebel ka long kum u Balam bad u Balak, ka briew ka Jutang Barim. Ka Jesebel ka dei ka Jentil bad u tnga jong ka dei u syiem Ahab uba la synshar halor ki Israel haki snem 874-853BC .Ahab ula shah control shah pynshoi haka tnga Jesebel jong u kat haduh b aula pynbitar ia u Blei bad iaki paid Israel baroh. 1 ki Syiem 16:29-33. Ki buit barieh u Soitan kiba jylliew ha kaba u la pyntrei kam ha ka Jesebel kat haduh ba u syiem Ahab u hap ban kohnguh iaka bad ha kane ka rukom ka Jesebel kala ialam ia u syiem Israel ban mane blei thaw blei Baal syndon bad u syiem Ahab u la tei ki jaka mane blei thaw blei Baal bad ki blei Asherah . 1 ki syiem 18:17-19.Ym tang kattne , ka Jesebel kala phah pyniap ruh wat iaki Prophet jong u Blei kum u Elijah .Eksodus 18:20 – 40.

Haduh katne ka buit barieh u soitan ka trei lyngba ka Jesebel ban pynjot iaka Balang. U Blei u maham iaka Jesebel-Bad ngan pyniap noh iaki khun jong ka daka jingiap te ki Balang baroh kin ioh tip balong ma nga uta uba ithuh iaki khyllai bad ki dohnud .” Jingpynpaw 2:23. U Blei u maham iaki Balang ba mynta ruh ki bashah ia ka Jesebel ! kaba pyntrei kam iaki buit barieh jong u soitan hapoh kita ki Balang. Husiar na ki Jingjylliew u soitan!.