Ki jingbam kiba biang tam, na ka bynta ban kyntiew, ia ka jingdon jong ki blood platelets

Kong L. Kongwang

Ki blood platelets, ki dei ki compnent ha ka snam kiba iada ia ngi na kaba duh palat ia ka snam haba mynsaw. Wat la ia ki dawai lah ban ioh ban kyntiew ia ka jingbun jong ki platelets, phi lah ban kyntiew hi dalade na ka bynta ka jingbun jong ki.

Nyngkong phi donkam ban sngewthuh kumno ban tip ba ka jingdon jongki blood platelets ka duna. Ki platelets ki dei ki blood cell kiba iarap ia ka met ban pynrben ia ka snam. Ki platelets ki don ka jinglah ban pynbha ia ki cell ki ba la sniew ruh. Ka jingniew ia ki platelets ka dei ka jingthew ia ka jingdon jong ki platelets ha ka snam. Ka jingthew kaba biang jong ka snam la tip ba ka dei 150,000 – 400,000 ki platelets haka 1 microlitre ka snam.

Katto katne ki dak jingpang kiba shem bha jong ka jingduna jong ki platelets ka dei ka jingjngem bha,ka jingphlei snam na ka khmut, bad ki doh bniat, ka jingiaibteng jong ka jinglieh jong ka snam na ka jingshah ot, ka snam haka painkhana bad ki jingsaw haka sniehdoh. Shuh shuh ki kynthei ki lah ban shitom ruh na ka jingjur palat ka jingpoi bnai.

Ki briew kiba don ia kane ka jingshitom ki lah ruh ban mad iaka jingtlot bad jingthait. Katto katne ki daw jongka jingbun palat ne ka jingduna palat jong ki platelets ka lah ban long na ka jingpang bampong, jingpang ha u donhnud kaba la jur, leukaemia, anaemia, ka jingshah ha ki chemical ki ba ma,ka jingarmet, ki dawai chemotherapy, ka jingdih kyiad palat, ka jingduna jong ka vitamin B12 bad kiwei kiwei.

Ha kane ka jingthoh yn kdew katto katne ki jingbam kiba ha khmat duh kiba kyntiew ia ka jingdon jong ki platelets.

1. Ki jingbam ba bun ka vitamin C :- Ka jingbam iaki jingbam kiba bun iaka vitamin C ka lah ban iarap ha kaba kyntiew iaka jingdon jongki platelets ha ka met. Ka vitamin C ka don ia ki jinglong antioxidant. Phin hap ban pyndap iaka jingdonkam kaba man ka sngi ia ka vitamin C hapoh 400 – 2000 mg da kaba bam ia ki jingbam kum u sohñiamtra ,spinach, broccoli, sohmynken jhur bad kiwei kiwei.
2. Ki jingbam kiba bun ka Omega – 3 Fatty Acid :— Kine ki kynthup ia ki flax seed, walnuts, dohkha bad spinach. Kine ki jingbam ki iarap ban kyntiew iaka immune system bad kumjuh ruh iaka jingdon jong ki blood platelets. Kumta ban bam kham bun iakine ki jingbam ka iarap ha kaba sumar ia ka jingdon jong ki blood platelets.
3. Ki jingbam kiba bun ki Anti-Inflammatory bad Antioxidant:- Ki jingbam kiba bun ia kine la shem ba ki kyrshan ia ka jingpynmih ia ka snam. Kumta, phi dei ban bam pynbun ia ki jhur, ki whole grain ki phresbin bad kiwei kiwei. Ia ki jingbam kiba bun ki antioxidant la tip ba ki pyntlot ia ka jingtreikam jong ki free radical kiba ma bad kumta ka iarap na ka bynta ka jingduna jong ki platelets.
4. Ki jingbam kiba bun ka Folate: ka jingduna ia kine, ka lah ban wantah ia ka jingduna ha ka jingdon jong ki blood platelets. Kumta, la ai jingmut ban bam bha ia ki jingbam kiba bun ka folate. Ka folate la donkam na ka bynta ka jingphiah kaba longkoit longkhiah jong ki cell ha ka met. Ki jingbam kiba bun folate ki long ki asparagus, ki jingbam symboh, sohñiamtra bad spinach. Kine ki dei katto katne ki jingbam ki ba biang tam ban kyntiew ia ka jingdon jong ki blood platelets.
5. Ki jingbam kiba bun ka vitamin A:- Ka vitamin A ka long kaba donkam na na bynta ban pyndonkam ia ki blood plate kiba koit ba khiah. Ia kane ka Vitamin la donkam na ka bynta ka jingpynbun ia ka protein ha ka met. Ka jingbiang ha ka jingdon jong ka protien ha ka met ka iarap ha ka jingphiah bad ka jingsan jong ki cell. Ki jingbam kiba bun bha ka vitamin A ki kynthup ia u pathaw ,u kajor , phan karo bad kiwe kiwei.
6. Ka vitamin B12: Ka jingduna ia ka vitamin B12 ka lah ban noh synnaing sha ka jingduna jong ki blood platelets.Kumta la ai jingmut ban bam bha ia ka jingbam kiba don shibun ka vitamin B12. Ia kane la ñiew ba kadei ka lynti kaba biang bha ban kyntiew hi ia ka jingdon jong ki blood platelets. Katto katne ki jingbam ki ba biang tam ki ba phi lah ban bam ki long ka dohkha salmon, dohmasi, dohsyiar, ki dohkha tuna ,turkey bad kiwei. Kine kidei ki jingbam kiba hakhmat eh kiba iarap ban bam ban kyntiew iaka jingdon ki blood platelets.
7. Ki jingbam kiba bun ka Amino Acid:- Ia ki jingbam kiba bun ka amino acid la tip ba ki dei ki ba biang bha ha kaba kyntiew ia ka jingbun jong ki platelets. Ki amino acid ki iarap ia ka haematopoiesis, kaba dei ka jingtreikam jong ka met ban pynmih iaki cell snam ba thymmai ha ka met.
8. Soh khajur:- Une udei uwei naki jingbam ba biang bha ha kaba iarap ban sumar naka bynta ka jingduna jongki blood platelets. Ki soh khajur kidei kiba bun bha ka iron bad kiwei ki nutrients ba donkam ha kaba iarap ban pynbun hi iaki platelets.
9. Apricots:- Ban bam ia u soh apricot ka iarap ban kyntiew ia ka jing don ki blood platelet ha ka met. Ki soh apricot ki dei kiba bun bha ka iron bad la ai jingmut ban bam shibul ki soh apricot la kumno kumno ar sien ha ka shisngi. Kane kan iarap ban pynbun kloi ia ki platelets.
10. Oyster:- ki oyster ki don shibun ka zinc ka ba iarap ban kyntiew ha ka jingbun jong ki blood cell bad ki blood platelets ha ka met. Ka zinc ka iarap ban pynkhlain ia ka immune system ,kumta kham pyneh ia ki blood cell ban iada ia ka met. Kumta ki dei kiwei na ki jingbam kiba biang tam kiba lah ban kyntiew hi ia ka jingdon jong ki blood platelets.
11. Ki jingbam Wholegrain:- ki jingbam whole Wholegrain kidei kiba bun bha ki nutrients kum ki Vitamins bad ki mineral kiba iarap ban kyntiew hi ha ka jingbun jong ki blood platelets.
12. Ki jingbam kiba bun ka vitamin K:- Kine ki jingbam ki long kiba don kam ban pynsab bha ia ki cell ha ka met. Ia ki platelets la tip ba ki neh tang 10sngi ha kaba ka jingpynmih bha ia ki platelets ka donkam ban pynmih ban bujli ia kiba la duh ha ka met. Ban bam ia ki jingbam kiba bun ka vitamin K kum u dohnud ,kale bad ki pylleng la tip ba ki trei kam bha.
    Khublei.