Shillong: Hadien ka jing iai ujor ka Seng ia ka jingjyllei ki dukan die dawai ki bar jylla ha iew Shahlang kiba khlem kot khlem sla, Ka Hynniewtrep Youths Council Umdang area unit hapoh ka jingialam U Samla Edmond Mawsor General Secretary ryngkat ki dkhot ka seng, ha ka 19tarik Nailar, 2020 ka la hiar ha iew Shahlang ryngkat bad ki nongtrei ka DHMO, ba la ialam da U Bah B.C Kharsyntiew drug inspector.
Ha katei ka jingleit, la ioh ban peit ia ki kot jong ki 5tylli ki dukan pharmacy kiba plie ha katei ka sngi bad la lap ba 2tylli na kitei ki biang ki kot ki sla bad 3 tylli kim biang ki kot ki sla bad u drug Inspector bad ka seng ka la khang noh shisyndon ia ki tei ki dukan.
Ha kane ka jingjurip la lap ruh ia ki dukan kiba buh ia ki dawai ba la kut por.
Na ka liang ka seng, ka iai dawa, ba ki shnong kim dei shuh ban ai jingmynjur, ia ki dukan bar jylla bad kumjuh u Syiem ka Hima Nongstoin bad ka KHADC ba kim dei shuh ban ai Trading licence ia ki Dukan Barjylla namar bun ki Samla khlem kam, kin ioh shongdukan ha iew Shahlang, ong ka kyrwoh na u Samla Phersngi Nongbri President HYC Umdang area unit.
Phi don ban ong eiei?