Ki drok dei ki ktem ka jingsniew, ong u SP

Shillong, 4 Iaiong:
U SP ka East Khasi Hills u Bah M. Kharkrang ha kane ka sngi Nyngkong u la ong ba ki samla ki dei ban kiar raimaw raidieng na ki drok  namar ba ki dei ki ktem jong ki jingsniew ha ka imlang sahlang.
Haba kren ha ka jingialang pynshai paidbah halor ki drok ba la pynlong da ka HYC Mawlai circle u Bah Kharkrang u la ong “Mynshem snem ngi la lap ba wat ki khynnah shyn rang ba dang rit bad kynthei ruh ki pyndonkam drok bad ka long ka jingjia kaba pynlyngngoh bad ka daw jong ka jingsngew khia” u la ong. U la ong ba ki samla ki dei ban kiar bad ialeh pyrshah ia ki jingsniew ban long ka lawei ba phynai.
“Namar ka jingkynrei kiba pyndonkam drok, ka la wanrah ia ki jingsniew ba bun kum ka jingtuh, ka jingpyniap briew, ka jingbyrngem bad kiwei”, u la ong u SP.   Shwa ia kane, ka Dr  O Swer ka District Health Officer (DHO)  ka la ong ba “katto katne ki samla pule hadien ba la wan na skul kin ieng kai, shang kai bad dih sikret, iakren ki ktien khlem akor kum ki kynnah surok bad kane ka la pynlong ia ka imlang sahlang ha ka jingdum.Ka la ong ba ka jylla Meghalaya ka dei kaba kham halor ban ia ka jylla Bihar ha ki kam runar namar ka jingbun kiba pep skul shiteng.