Babu Kular Khongjirem
Ka sorkar MDA ba la ialam da ka NPP ha Meghalaya ka la dap mynta ar snem tam ei ei,hynrei u soh jongka jingtreikam jongka pat ym pat iohi dak ei ei.Ka jingjop(acchievement) jong kane ka sorkar ia ki project bapher bapher ba ki paidbah ki angnud bad khmih lynti naduh ba sdang thaw ia ki kam pat long soh long syntiew.Shaei kata ka surok fourlane na Rilbong sha upper Shillong bad shaduh Dawki ka poi mynta,etcKa jingkhmih lynti ki paidbah ha ka por ba thaw(formed) ia kane ka sorkar ka la pulom bad long kam kai lut kha makha baroh.Ki minister heh(cabinet minister)jong u Dr Mukul Sangma kiba long ruh ki juh hi ki cabinet minister ha ka sorkar u Conrad Sangma kum u Chief minister ba mynta ki la ai ka jingiaroh ia u Conrad Sangma la kum u Chief Minister ba stad bad ba tbit tam ha Meghalaya bad u Dr Mukul pat kum u Dictator bad u Chief minister u bym lerkam tam jong ka state.
Don bun bah ki mat(crucial issues)ba kane ka sorkar u Canrad kam lah thaw pyrthei ei ei.Ka issue them khar mator ba ki minister ki pan por tang khyndiat eh ha por ba iakhih ki paidbah ha kito ki por ka la shu sahteng shi sahteng haduh mynta.Kata ka HLC ba la thaw ka sorkar tang ban pynkmen shongshit bad pynbiej -pynthamme ban tem ia ka jingiakhih them motor ka la jan sma iwtung pynban mynta ha secretariat.Donbok ba ka jingiakhih them motor kam don nongialam satia hynrei ka dei tang ka sur u paidbah.Ka la dei ban shu jah rngai bad ngam noh khlem don nongpynkhie im shuh ia ka.Ka Meghaya Resident and Safety Act ka dang sahkut sah ha ing u governor.Ka entry bad exit points ha ki jaka bapher bapher kaba la la thaw naduh ka sorkar MUA jong u Dr Mukul Sangma ka la nang ngam nang ngam ha kane ka sorkar MDA kat haduh ba u contractor ruh u la kyrngah syndon ban trei. Mynta lei mih sa ka issue CAA bad ILP kaba la pynktha khlieh ia kane ka sorkar u Conrad Sangma.U chief minister um don por shuh ban pynleit jingmut ia ki kambah jong ka state hynrei u bun kam tang ban leit Delhi ym tang ban leit wad ne leit khrong pisa na Delhi hynrei ban ngat ruh ha ka jingshah thok ba laiphewjait ha ki heh ka Delhi.Ban ia kynduh Home minister hadien ka x-mass ,nangta hadien ka new year bad Republic day,nangta pat hadien ka election Delhi,bad sa hadien ka session ka parliament bad kumta ter ter. Ha ka jingshisha,U Chief minister u la dep ia kynduh ia u Home minister bad kam don jingmut shuh kata ka jingleit ia kynduh biang ia u hynrei ban pynkmen ne pyn sngewbha ia ki paralok ka MDA,u hap ban leit ialam biang ia kita ki partner ka MDA la kumba pynkmen kai ia ki khynnah rit pynban. Sa ka jingduna pisa ka Sorkar(financial constraint)ka bym kut shuh lano lano ruh.Ka sorkar kam lah siew shuh ia ka arrear ba dang sahteng ki nongtrei sorkar(govt employees) bad ka arrear jong ki nonghikai kaba la kular da ka jingthoh jing tar(govt official order)ka la nang pynjah burom shuh shuh ia kane ka sorkar ba mynta.Yn nai ia kren ia ki bill bym lah siew mynta da ki snem haduh ba la pynkylla duk ia ki contractor baroh.Ka bill ding electrict da ki spah klur wat la ki paidbah ki siew bill light man u bnai sha ka MePDcl Sa ka kynrum kynram ha District council khlem lah satia ban pynjari ia kata ka synshar administrator kumba ka angnud(namar bym treh pdiang u governor)ka la nang paw nang paw ka jing tlot kane ka sorkar.Yn nai ia kren ia ka issue jingkhang tih dewiong ka NGT kaba la ialam pynban ban ia lute bad bam sap da ki klur na ki truck kit dewiong ba man la ka sngi haduh ba mih ka jingdawa ban phah pyllait noh ka kam poh ing( home portforlio) na u home minister,Ka eh bha ba u para(Conrad)un knieh noh pynban ia ka kam home minister na u hynmen trai lajong (James Sangma) Na ka sur u paidbah pat lyngba ki opinion poll jong ki media,ka paw shai ba u Dr Mukul Sangma u dang lah ban tem ia ki jingeh jong ka state ban ia une u Chief minister ba mynta.
Ki opinion poll ha ki media ki la pynpaw shai kdar ba u Mukul u kham tam bun shah ia u Conrad kum u chief minister.U Dr Mukul u la ioh 85pc katba u Conrad pat tang 15pc kum u Chief minister uba lah ban synshar bad pyniaid ia ka synshar khadar ha ka state.Ka opion poll lyngba ki media ka la pynpaw ruh ba ka sorkar MUA jong u Dr Mukul ka kham treikam ban ia kane ka sorkar MDA ba la ialam da ka NPP u Canrad Sangma kum u chief minister ka Meghalaya.
Ap ynda la kaweh kti ka elekshon keiñ…….
Ka shrieh haka jingiapyni nam ka ong ba i khun jongnga iba bhabriew.
U Nongthoh u dei u Congress hap ban pynksan. Bishar bha… Mukul 10 snem duna bad u Conrad 2 snem tam. U Conrad u dei ka Sorkar khleh khawlang. To ngin sa peit shwa kaei kaban jia
Shuwa ba phin kynthoh ia kiei kiei Kiba long na Ka bynta Ka bha Ka miat Jong Ka jylla. Phi dei ban sngewthuh na ei ki mih bad nangno ki sdang. Ym ban shu kren laplah khlem da tip ia Ka tynrai naei ki wan. Dei hangne ba sa jot Ka jaitbynriew. Haoid NGA mynjur ba u Conrad sangma u lah ban ym biang Kum u briew hynrei Ka jingkylli Ka mih aiu ba Ka sorkar ba lah dep hapoh Ka jingialam u Mukul sangma Ka leh?? Sngewbha pynshai lem?