Shillong: Ki dei kiei kine ban phah shong ia nga, ong u bah D.D Lapang haba ia kren bad ki nongthohkhubor mynta ka sngi ha Nongpoh. U bah Lapang u la ong ba ki nongialam Congress kiba mynta ki kwah ban weng noh ia kiba bun ki nongialam ba lah iaw bad ki ong ba kim donkam shuh ia ki bad dei na kane ka daw u la ong ba ki la don bun ki nongialam rangbah mynta ha ki jylla bapher kiba la mih noh na ka Congress.
U la iathuh ba shuwa ka elekshon MLA 2018, u la pan por ba un bteng ia ka kam President haduh ban da dep ka elekshon, ki ong em, kim sngap, nga sngap. Ka mynsiem jong nga ka dang rhem ban shakri ia u paidbah watla na jingthiah pang ruh ngan shakri, ki dei kiei kine ban phah shong ia nga, u la long da kaba kdew ia u Dr.Mukul Sangma bad kumjuh ia u Rahul Gandhi.
Haba pynpaw ba da lei lei ruh un ym leit phai biang sha ka seng Congress u bah Lapang u la ong, tang kiba shah thar prek na kjat kiba sngewthuh. Ia ki nongialam ba kham thymmai mynta hapoh ka seng congress kum u bah Process T Sawkmie , Dr. celstine C Lyngdoh kiba kynthoh ia u, u la ong sngewsynei ia ki paralok ki bym don ka jingmut rangbah.