Ki bym tip ia ka Aiñ ki risaiñ noh na ka kam MDC:Shylla

Smit, 22 Rymphang:
“Ki bym tip ia ka Aiñ ki risaiñ noh na ka kam MDC” ong u bah H.S Shylla haba kren ha ka jingialang kaba la long ha Smit halor ka phang kaba ia dei bad ka jingkhang bat ka mar maloi ia ki MLA lane ka jingkhanglad ia ki MLA ba kin long MDC. “Bun ki MLA kiba mihkhmat ia u paidbah ki pyrkhat tang kumno ban wad skhim hynrei kim nang pat ban thaw-aiñ” u la ong biang.
Ha kaba ia dei bad ka kam Ar maloi kaba 7 ngut ki MLA kiba dei ha ka juh ka por ki MDC ki la risaiñ noh u bah Shylla u la ong ba ka Article 191 jong ka riti synshar ka ri India ka la khang lad ia u MLA ban bat ia ki kam kiba u don jingioh nong ne kaba u don jingioh na ka sorkar India ne ka sorkar jylla, hynrei ka District Council ka dei ka autonomous Body ka bym dei satia ka tnad treikam jong ka sorkar India ne ka tnad treikam jong ka sorkar Meghalaya. “Hynrei ki briew jong ngi ki bym tip ia katei ka aiñ ki la risaiñ noh, ngi iohi ia uwei u rangbah uba shlur kata u bah Pynshngaiñ N Syiem u CEM ka KHADC u bym khih haduh mynta ruh-dei na utei u rangbah ba ngi iohi mynta ba ka Supreme Court ruh ka la sdang ban pynjem ia ki rai jong ka High Court,dei ban pynskhem ia u bah Pynshngaiñ kum u CEM ka KHADC” ong u bah H.S Shylla haba kren ha katei ka jingialang paidbah.U bah Shylla u la ong biang ruh “La jied ia ngi ban thaw-aiñ hynrei ngim tip kaei ka aiñ” , u la pynkynmaw ba ha u snem 2007 la pynduh noh ia u na ka jinglong MDC ha KHADC “Hynrei nga I ba ka don ka aiñ ban ia kren ia kata naba ka aiñ ka ong ba uno uno u MDC ba shah jied ha ki paidbah ka samoi trei kam jong u kan dei san snem kynthih,nga la ia khun ha High Court nga jop, hynrei ki paralok kiba pyrshah ia nga ha KHADC kim pat hun ki la leit sha Supreme Court hangtei ruh nga la jop, ka KHADC ha kato ka por ka lut pisa haduh T.18 lak tyngka na ka bynta ban ia khun ia ka mukotduma pynduh MDC ia nga” u la ong .