Ki bym pat don Aadhar, ki dei ban pynrung kyrteng kloi kloi

Shillong:Ka ophis treikam jong ka Develop ment Commissioner, jong ka sorkar Megha laya ka la buh jingkyr pad ia baroh ki paidbah nong shong shnong, ki bym pat pynrung kyrteng satia ia u Aadhar number ki dei ban pynrung kyrteng noh kloi katba lah.

Kane ka la wan hadien ba ka UIDAI, ka la phah ia ka khubor ban ai por sa kumba lai bnai ban pynrung kyrteng ia lade hapoh ka jylla bad ka jing bym pynrung kyrteng ialade ban ioh ia u Adhar number kan pynduh noh ia ka bhah na ki Skhim sorkar bapher bapher.

Hadien ka jing duna jong ki briew kiba pyn rung kyrteng ialade ban ioh ia u Adhar number ha jylla Meghalaya, kito ki bym don ia u Adhar ki lah ban duh noh ia ki skhim bapher bapher.
Kawei na ki bynta ka ban ktah bha ka dei ia ki kynthei bad ki khynnah, ki ban duhnong ia ki jingai jingmyntoi ne ki Supplementary nutrition program, lyngba ki ICDS,jong ka tnat Social welfare.

Na ka jing bymdon ia u Adhar number ka jingioh jingmyntoi ka jong ki ka long tang kumba 10 persen, na bynta ki khunlung bad ki khynnahrit kiba ha ka karta 0-6 hynriew snem ka karta bad ki kynthei ba armet .
Kiwei pat ki Skhim kum ka MHIS ban ioh jingmyntoi u Adhar number donkam ia baroh khamtam ia kito kiba dang pynrung kyrteng thymmai ban ioh jingmyntoi na katei ka Skhim.
Wat la ka jylla Meghalaya kam dei satia ka jylla ba u Adhar number un dei ia baroh, hynrei ka jingmyntoi na ki Skhim bapher bapher jong ka sorkar ym lah satia ban ioh khlem u Adhar number.

Ka don ruh ka kyndon katkum ka section ba 7 jong ka Aadhar Act, ban ioh jing myntoi ia ki skhim ba pher bapher da kiwei pat ki lynti ki hap bud ki ban pynithuh, ba kin ioh jingmyntoi na ki kynja Skhim.
Khnang ba ki paidbah nong shong shnong jong ka jylla kin ioh jingmyntoi, ka prokram ba 50 sngi la pynlong ha ka jylla khnang ban lah ban pynrung kyrteng lut ia baroh ki ki khunlung ba dang kha, ki khynnah ki longkmie bad kiwei pat ki bym pat shem la dep satia ban pynrung kyrteng ialade.

Kum shibynta jong kane ka prokram ka jingpynrung kyrteng ia kito ki khynnahrit ba bapoh ka san snem ka karta, ka jing pyndonkam ia ki biometric kam don kam satia ia kito ki khunlung ba hapoh san snem ka karta, ki khunlung ba khlem ka birth certificate ruh ki lah ban ioh ia ki adhar ki jong ki hakane ka prokram.
Ban pyntyllun ia ka kam pynrung kyrteng adhar hapoh ka jylla ki bor pyniaid distrik, ki la buh ia ki jing thmu ban pyntreikam ia ka jing pynrung kyrteng lyngba ki mission mode.

Ka ophis treikam jong ki Deputy Commissioner kin sa phah ia ki nongtrei ki jong ki lem bad ki ophisar jong ki tnat treikam bapher-bapher kum ka Community & Rural Development, Food & Civil supplier, Education, Health Department bad ki kynhun bapher-bapher kum ka Meghalaya State Rural Development Society (MSRLS).
Ka tnat nodal na bynta u adhar jong ka sorkar jylla, kata ka General Administration Department ka la dep ban pyniaid shakhmat ia kane ka prokram ha kaba ki la dep ruh ban mang pisa na bynta kane prokram pynrung kyrteng Adhar ba 50 sngi hapoh ka jylla.