Shillong:Ki lai tylli ki Autonomous District Council kiba don ha ka jylla, kiba kynthup ia ka KHADC, JHADC bad ka GHADC, ha ka sngi nyngkong, ki la pynpaw ia ka jing pyrshah ka jong ki ban pynrung ia ka kyntien unrepresent tribe lane ki jait briew, ki bym lah ban long ki nongmihkhmat bad ka Village council haba iadei bad ka jingtyrwa ban pynkylla thymmai noh ia ka sixth schedule jong ka riti synshar jong ka ri.
Ha ka jingialang jong ki lai tylli ki Autonomous District Council ha nongbah Shillong, u Chief Excutive Member (CEM) jong ka KHADC,bah Titostarwell Chyne, u la iathuh ba ki lai tylli ki Council, kin sa kren sani ia kane ka kam hadien ba ka sorkar pdeng ka la pan biang ia ka jing ai jingmut na ki District Council.
U la ong ruh “Ngi ïeng pyrshah jur ban pynrung ia ka kyntien unrepresent tribe bad ka sorkar jylla ruh ka don ryngkat lang bad ki lai tylli ki ADC, haba iadei pat bad ka Village Council, ngi la buh ka jingtyrwa ba dei ban thaw noh da ka Village Development Council”.
U la ong ruh ba kine ki mat ar tylli, kata ka unrepresented tribe bad ka Village Council, ki dei ki mat kiba la sahteng bad donkam ban iatai bniah bha.
“Ngi la iatai sani bad bniah bha ia kane ka kam, ha kaba ngi la pynsngew lang ruh ia ki paralok ki jong ngi na jaiñtia hills bad Garo hills ruh, ba ha KHADC ngi la dep ban shim ia ka rai bad mynjur ia ka Village Development Council bill bad ngi kwah ruh ba ki artylli ki autonomous district council kin shimlang ka jing mynjur ia kane ka bill, khnang ba ka Village Council kan ym treikam, namar ngi la don la ka jong ka council” la iathuh u bah Titostarwell.
U bah Titostarwell Chyne, u la ong ruh “Namar katkum ka jing tyrwa ban pynkylla bad pyntreikam ia ka Village Council hapoh ka jylla kan sa pyntlot ia ka bor treikam jong ki dorbar shnong, namar ngim kwah ban iohi ba ki dorbar shnong kin jah noh, hynrei ngi kwah beit ba kin neh, dei na kata ka daw ia kane ka kam ngi la rai ban iakren sani bha ha la ki jong ki jong ki konsil”.
Nalor kitei ki artylli ki mat, ki lai tylli ki Autonomous district council ki la rai ruh ban pyrshah ia ka rai jong ka sorkar pdeng ban pyntreikam ia Swamitva Scheme namar ba ka jylla ka don ia la ka jong ka riti ka dustur bad ka rukom bat ia ka khyndew ka shyiap.
Na ka liang jong u CEM, jong ka KHADC, u la iathu ruh ba ki Autonomous district council, ki la buh ka jing dawa na ka sorkar ba kan aiti noh biang ia ki kam ba ka dei bad ka jing ai ia ki schedule Tribe certificate, sha ki lai tylli ki Autonomous District Council, kumba la leh ha ki por ba la leit.
U la ong ruh ba ka jingai ia ki PRC da ki Deputy Commissioner jong ki district ka dei ka mat kaba la iakren. U la ong ruh ba ki bor pyniaid distrik ki dei ban ioh shwa ka jingpyntikna na ki Autonomous District Council, ha shwa ba kin ai kano kano ka PRC.
Imat don ki jingma kiba lah ban pyntlot:
1. Ki dak ki kdew shai ba ia ka jingdie pateng ia ki khyndew ki shyiap, la paw ba ka Bor ki Shnong la pyntlot, namar la sdang bun kiba thied jaka da kaba pynshong nongrim ha ka Land Transfer Act , bad la nang bun ki Dulir ha kaba ka Shnong(lyngba ka jongsoi ki Khlieh Shnong ) kam don bynta shuh; namar ba la pyndep ia ka thoh dulir ha Court.
Kiba thied ruh kidei kibym dei ki Khasi ; kiba pyndonkam ruh ia ki jingpynsur ia ka Land Transfer Act ; kata kaba ailad kum ia ki 1. Companies(shna dewbilat kum ka nuksa) bad
2. Ki kynja seng/authority kum ki University , ki Skul ; kiba la nang jur (khamtam ha New Shillong).
Donkam phi ban pynsngewthuh ia kiba thied jaka (bym dei Khasi), ba kan bha ba kin seng ia ki “Institution ” ha la kajong ka Autonomous District Council Area, namar dei tang ma ki ba lah ban shakri kham janai.
Ngim dei ban klet ba 50 snem tam mynshuwa , ka don tang kawei ka ” United Khasi and Jaintia Hills Autonomous District Council ; namar katba dang teh kur bad burom ia kaei kaba ki longshuwa ki la leh , ngi dei kawei ka jaitbynriew( one ethnic group).