Shillong 08 Risaw: Ka jinglaitlan bad ka jingrung beain ki nong Bangladesh sha ka Ri India lyngba ki khappud border, ha ka ba la jan man ka sngi khlem ki nongiada ne ki BSF ki ba dei ki shipai iada khappud, ka ba la pynlong ia ki khar Bangladesh ban rung tuh na khappud ban wan shong wan sah ha ka jylla. Ha kine ki arbnai ba la dep ki pulit ka Jylla ki la ioh ban kem haduh 7 ngut ki khar Bangladesh na Nongbah Shillong, bad kane ka pyni ia ka jingsynjor ban tehlakam da ki shipai BSF.
Kumta na ka Hynniewtrep National Youth Front (HNYF) Southern Border Area halor kane, ka la pynpaw ka jingsngewkhia, ba ki BSF kidei ban peitngor bha hangtei ha border ban iada ia ka jingrung kyrthlep ki khar Bangladesh, hynrei ki BSF ki long pynban ki nongbat ia ki marbam ha ladbakli ka lad ban leit sha Balat bad sha Ranikor jong ki paidbah ki ba thmu pynpoi ha ki border.
Kumta ka seng ha ka ba iadei bad kane ka bynta ka la leit ban iakynduh ia u MLA ka Mawsynram u bah Olan Sing Suin ban iakren ia kane ka kam.
Ha ba iakren bad ki lad pathai khubor mynta ka sngi baar la 08 tarik Risaw 2024 u bah Kyllang thongni President ka HNYF Southern Border Area u la ong, ba ki BSF ki la kem naphang ia ki marbam jong ki paidbah ki ba thmu leit rah sha ki iew border Balat, Dangar, Nongjri.
U la ong ruh, ba ka kam jong u BSF kadei ban ap pahara ha ki khappud ban iada ia ka jingwanrung kyrthlep ki khar Bangladesh hynrei kine ki BSF ki ap pahara pynban sha ladbakli ka ba dei ka lad ban leit sha Ranikor sha Balat ban bat bad kem ia ki marbam ki paidbah ha thmu leit rah sha ki iew border.
“Lada ki BSF ki kem ia ki mar ki ba long beain kum ki Drok, ki Kynja bad kiwei kiwei de kata kum ka seng ka ai ka jingkyrshan ba pura, hynrei ka seng ka la pynoaw ka jingsngewkhia ba balei ki BSF ki kem pynban ia ki marbam bad ym tang katta ki BSF ki la dain ku na ruh na ki kali ba kit ia ki marbam”, la bynrap u bah Kyllang.
Shuh shuh ka seng ka la dawa ba dei ban pyntreikam biang ia ka Infiltration Check Gate ka ba don hapoh shnong Umpung bad ruh ban buh sa kawei ka Infiltration Check Gate hapoh shnong Dangar, ban iada na ka jingrung laitlan ki bar jylla ki bym lah bam ithuh la kidei ki ba na bar Ri ne na ki bar jylla.
Ha ka ba iadei bad kane na ka liang u bah Olan Sing Suin MLA ka Mawsynram u la kular, ban shimkhia ia kane ka kam.
kum ban shu pynkynmaw ba ka BSF ka lah paw shawei ruh ba ka don kti haki kam bamsap te shaniah shuh aiu ia kine..Leh hi kaba donkam..practice head hunting kim ki naga..Uba bun tam ki khlieh Uta u dei u “sikander”.Kum kane ka kabu ioh nangno..Create fear through strength namar only strength respects strength.