Ki briew kiba la rung ha MRB bad Axis Bank Borbhuiñ, ki hap shong Quarantine

Nongpoh: Namar ba la don ki briew kiba la ioh ia ka khlam COVID-19 bad kiba la leit ban rung hapoh ka Axis Bank bad Meghalaya Rural Bank Borbhuin Byrnihat ha Ri-Bhoi naduh ka 25 tarik Nailar, ka Deputy Commsssioner ka Ri-Bhoi District, ka la bthah ia baroh ki paidbah kiba la rung ha kitei ki Bank, ba ki dei ban shong Quarantine ialade kumba 10 sngi ei ei, kata ruh ki hap ban peit bha ia ka koit ka khiah ialade.

Ka DC Ri Bhoi, ka la kyntu ba kito ki briew kiba la leit ban rung sha kitei ki Bank hadien katei ka tarik, ki hap ban sngapthuh ia ka koit ka khiah halade bad pynjngai ruh na ki briew bad bahaiing, lada ki shem ialade ba ki shem jingeh ha kaba ring mynsiem, jyrhoh bad shitmet, ki lah ban pyntip sha ka District Control Room No. 03638232028/1077 bad Health Help Line No. 8797520449.