Shillong: U myntri ka koit ka khiah, u bah AL Hek, haba ia kren bad ki lad pathai khubor, u la kyntu ia ki nongshong shnong ka jylla baroh ba ki dei ban bud pyrkhing ia ki kyndon kiba la pynmih da ka tnad ka koit ka khiah bad kawei na ki kyndon ka long ban pyndonkam ia ki Mask haba ki mih shabar bad la da ki lap ba ki briew kin pynkhein ia kane ka kyndon kin shah pynshitom kat kum ka kyndon jong ka Pandemic Act.
U bah Hek, u la ong ruh ba lada ki nongpeit ia ki quarantine Centre ha kylleng ka jylla, ki ujor ia ka jing pynkhein ia ki kyndon jong ka jingleh quarantine ia ki briew kiba dang don hapdeng ka jingleh Quarantine kin sa shah pynshitom kat kum ka kyndon ain.
Na ka liang u myntri ka tnad ka koit ka khiah, u la kyntu jur ia ki paidbah ba ki dei ban bud pyrkhing ia ki kyndon ka jong ka tnad ka koit ka khiah.
Ka Sorkar lyngba ka tnad ka koit ka khiah ka dei ban sam shwa ia ki mask sha ki long iing ba duk, hadien kata sa pyntrei kam iaka ain lada kim deng mask,bad hakaba iadei bad kiba sah quarantine ruh ka sorkar ka dei ban pynbiang ia ki jingdonkam jongki khamtam iaka bam,